Любоніцкая бальніца сястрынскага догляду — лепшая сярод урачэбных амбулаторый Кіраўшчыны
Сярод калектываў сельскіх урачэбных амбулаторый лепшым прызнаны калектыў Любоніцкай бальніцы сястрынскага догляду, загадчыкам якой з’яўляецца Ірына Бодык.
Асноўныя функцыі бальніцы — аказанне медыка-сацыяльнай дапамогі пажылым і старым людзям, інвалідам, у якіх ёсць хранічныя захворванні і якія маюць патрэбу ў медыцынскім назіранні і доглядзе, пры гэтым, па стане здароўя ім не патрэбна лячэнне. Кожны тыдзень урач аглядае пацыентаў, робіць назначэнні, а персанал — круглыя суткі назірае за іх самаадчуваннем, выконвае медыцынскія працэдуры.
Зараз у Любоніцкай бальніцы сястрынскага догляду, разлічанай на 20 ложка-месцаў, знаходзіцца 19 пацыентаў. Гэта пераважна адзінокія састарэлыя людзі, якія не могуць самі сябе абслугоўваць.
Як адзначыла Ірына Бодык, у іх калектыве працуюць людзі, неабыякавыя да чужой бяды, яны ўмеюць не толькі аказаць медыцынскую дапамогу, а і выслухаць, дапамыгчы, падтрымаць добрым словам. Калектыў бальніцы — 14 чалавек. Медыцынскія сёстры, санітаркі, абслугоўваючы персанал імкнуцца ахапіць сваіх падапечных клопатам, стварыць для знаходзячыхся тут людзей па-сапраўднаму дамашнія ўмовы.
Кожны дзень персаналу даводзіцца сутыкацца з людскім болем, адчаем ці проста дрэнным настроем. А таму неабходна быць не проста медыкам, а і псіхолагам, і нянькай, а дзесьці і сябрам.
З пачатку адкрыцця Любо-ніцкай бальніцы сястрынскага догляду, а адбылося гэта ў 2004 годзе, працуюць тут сама загадчыца Ірына Бодык, медсёстры Таццяна Зуйко і Ірына Лыч, повар Алена Сізонава, санітаркі Любоў Салановіч і Алена Курбацкая.