Таццяна Арцюхова, дэпутат раённага Савета дэпутатаў:
— Мне, як дэпутату раённага Савета дэпутатаў, давялося не раз размаўляць з людзьмі, якія апынуліся ў спісе абавязаных уплачваць збор на фінансаванне дзяржрасходаў. І хочацца сказаць, што абсалютная большасць пагаджалася з тым, што ў фінансаванні дзяржаўных расходаў павінны ўдзельнічаць усе працаздольныя грамадзяне. Як паказвае практыка, кіраўчане не спрабуюць пазбегнуць патрабаванняў Дэкрэта №3, а проста не да канца разумеюць прынцып дзеяння дакумента. Наша задача — давесці да ўсіх самую актуальную і падрабязную інфармацыю.
Пераканана, што гэты Дэкрэт дапаможа людзям, не звыклым да працы, прыйсці да думкі, што трэба працаваць і пры гэтым легальна. Бо заробкі «ў канвертах» негатыўна ўплываюць на сацыяльныя выплаты і памер пенсіі.
Як работнік сістэмы адукацыі, я падтрымліваю рашэнне накіроўваць сродкі ад уплаты збору на фінансаванне дзяржаўных расходаў на патрэбы дзяцей.
Важна, што Дэкрэт №3 прадугледжвае індывідуальны падыход да кожнага асобна ўзятага выпадку. Калі чалавек не мог працаваць па важкай прычыне, напрыклад, з-за цяжкай жыццёвай сітуацыі, будзе вырашацца пытанне аб вызваленні яго ад уплаты збору.
Наша дзяржава выдзяляе вялікую колькасць фінансавых сродкаў на розныя сацыяльныя выплаты. У пэўны момант жыцця, радасны ці сумны, мы можам разлічваць на яе падтрымку, таму ад людзей павінна быць таксама свайго роду аддача.
Няблага, што праведзена работа па ўдакладненні некаторых норм і ўнясенні паправак у Дэкрэт №3. Гэта дае магчымасць на месцах разгледзець становішча кожнага канкрэтнага чалавека, які аказаўся ў цяжкай сітуацыі.
Адзначу, што Дэкрэт №3 падштурхнуў жыхароў нашага раёна, не працаваўшых доўгі час, пайсці ў сектар занятасці і зарэгістравацца. А там гатовы ісці насустрач, прапанаваць рабочае месца або курсы па перападрыхтоўцы.
Міністэрства працы і сацыяльнай абароны Рэспублікі Беларусь падрыхтавала пакет прапаноў па ўнясенні змяненняў у Дэкрэт №3, яго адпрацавалі і ўнеслі на разгляд кіраўніцству краіны. Усе прапановы — выключна тая практыка, якая была напрацавана ў ходзе рэалізацыі Дэкрэта №3.