З добрым настроем сустракаюць прафесійнае свята працаўнікі «Кіраўскага райпаліўзбыту»

 

Горгаз-гортоп-1

Напярэдадні прафесійнага свята мы сустрэліся з дырэктарам філіяла “Кіраўскі райпаліўзбыт” МАУВП “Аблпаліва” Рыгорам Дайнекам і папрасілі яго расказаць аб сённяшніх буднях прадпрыемства.

— Калектыў філіяла сустракае свята з неблагімі вытворчымі паказчыкамі. Па выніках работы за 7 месяцаў бягучага года мы забяспечваем выкананне ўсіх даведзеных паказчыкаў. У параўнанні з мінулым годам выручка ад рэалізацыі павялічылася на 38,2%.

Сёлета рэалізавана 991,3 м3 дроў і 546,7 т торфабрыкету. У бягучым годзе філіял выйграў тэндэры па закупу паліва для ўстаноў адукацыі і культуры. У поўным аб’ёме задавальняюцца заяўкі грамадзян раёна на забеспячэнне паліўнымі матэрыяламі.

Выконваем даведзенае заданне па росту заработнай платы, не перавышаючы пры гэтым суадносіны паміж ростам зарплаты і вытворчасцю працы.

Наш філіял аказвае некалькі відаў паслуг. Асноўная з іх — забеспячэнне дрывамі і торфабрыкетам. Апошнім часам стаў расці попыт на набыццё колатых дроў. Мы працуем над паляпшэннем іх якасці: 1/3 частка з іх — лісцявых парод, у тым ліку — бяроза. Работнікі філіяла могуць выканаць транспартныя работы з дапамогай трактара, у тым ліку, даставіць бярвенне  у хлыстах гідраманіпулятарам. Па заяўыі можам раскрыжаваць дровы па месцы жыхарства.

За дасягненнем нядрэнных рэзультатаў стаіць зладжаная работа невялікага, але дружнага калектыву. Аляксандр Юхнавец у поўнай меры валодае бензаматорнай пілой, сумяшчае пры гэтым работу на дрывакольным станку. Неаднаразова ён быў у ліку прызёраў на абласных спаборніцтвах па прафесійным майстэрстве. Васіль Багданаў абслугоўвае дзве адзінкі тэхнікі: гідраманіпулятар і трактар МТЗ-80 на транспартных работах. Уладзімір Бяляўскі таксама працуе на дзвюх машынах: пагрузчыку і трактары МТЗ-82 па дастаўцы паліва. Пастаянна аказвае дапамогу КСУП “Чырвоны баец” пры вядзенні сельгасработ. Таццяна Хлапкова сумяшчае пасады галоўнага бухгалтара і эканаміста. Валянціна Рудак за гады работы ў філіяле ў поўнай меры вывучыла кан’юнктуру рынку паліва сярод насельніцтва раёна.

 

Добавить комментарий

Ваш адрес email не будет опубликован.