Пачынаючы з учарашняга дня па 7 лістапада ўключна ва ўсіх установах адукацыі раёна будуць працаваць лагеры з дзённым знаходжаннем для школьнікаў. Усяго аздараўленне пройдуць 210 рабят.
Першачарговае права на залічэнне ў лагеры з дзённым знаходжаннем для школьнікаў маюць дзеці-інваліды і дзеці з асаблівасцямі псіхафізічнага развіцця, а таксама рабяты з мнагадзетных, няпоўных, малазабяспечаных сем’яў, дзеці-сіроты, і тыя, хто знаходзіцца ў сацыяльна небяспечным стане або састаіць на рознага роду прафілактычных уліках.
Хлопчыкі і дзяўчынкі будуць забяспечвацца разнастайным і вітамінізіраваным харчаваннем.
Арганізацыяй вольнага часу хлопчыкаў і дзяўчынак будуць займацца вопытныя педагогі. Распрацаваны план мерапрыемстваў па павышэнні ў школьнікаў інтарэсу да вядзення здаровага ладу жыцця: пройдуць спартыўныя спаборніцтвы, рабяты будуць гуляць у валейбол, баскетбол, тэніс і інш.
Для таго, каб восеньскія канікулы прайшлі цікава, у школах плануецца праводзіць розныя выхаваўчыя, развіваючыя і інтэлектуальна-забаўляльныя мерапрыемствы, цікавыя экскурсіі і сустрэчы.
На аздараўленне рабят падчас іх знаходжання ў школьных лагерах са сродкаў дзяржаўнага пазабюджэтнага фонду сацыяльнай абароны насельніцтва выдзелена 4788 рублёў.