У суботу, 28 кастрычніка, пройдзе абласны суботнік па добраўпарадкаванні населеных пунктаў і навядзенні парадку на зямлі. Удзел у ім прымуць калектывы арганізацый і ўстаноў нашага горада і раёна.
Месцамі правядзення суботніка стануць замацаваныя за арганізацыямі прылягаючыя тэрыторыі, а таксама тэрыторыі агульнага карыстання ў райцэнт­ры і сельскіх населеных пунктах, пустуючыя ўчасткі. Акрамя таго, плануецца правесці работы па ліквідацыі несанкцыянаваных звалак у лясных масівах і на прыбярэжных палосах, у тым ліку ў раёне возера «Селішча» і вадаёма “Засолка”, ачысціць ад апалага лісця гарадскі парк, а таксама ажыццявіць пасадку саджанцаў у дэндрапарку па вул.Гагарына.
Прымем актыўны ўдзел у праводзімых работах! Зробім разам нашу Кіраўшчыну больш прыгожай і камфортнай для пражывання!