Энергетыкі Кіраўшчыны адзначаюць прафесійнае свята

Энергетыкі Кіраўшчыны адзначаюць прафесійнае свята

Электро-2

Электро-3

Галоўная задача калектыву раёна электрасетак — бесперабойнае забеспячэнне электра­энергіяй спажыўцоў — прадпрыемстваў, арганізацый, устаноў, а таксама насельніцтва Кіраўшчыны.
Сёлета ў энергетычнай сетцы раёна адбыліся значныя перамены. Пасля маштабнай рэканструкцыі ўступіла ў строй вытворчая база, аб яе магчымасцях паведамляла раённая газета. У дадзены момант па ўзроўні тэхнічнай абсталяванасці і аўтаматызацыі гэта трэцяя база РЭС у краіне. Пра здабыткі РЭС за прайшоўшы год мы папрасілі расказаць начальніка арганізацыі Віталя СУДЗІБОРА:

— Аб выніках працы нашай арганізацыі дакладней за усё гавораць лічбы. Адразу скажу пра капітальны рамонт 135,7 км электрычных высакавольтных ліній 10кВ, 78 км электрычных сетак 0,4кВ, 20 закрытых і 44 комплексных трансфарматарных падстанцый.
Каб электрасеткі працавалі больш надзейна, нашы спецыялісты замянілі 210 высакавольтных ізалятараў ШФ-10 на ШФ-20, а таксама 30 дэфектных апор на ВЛ-10кВ і 70 — на ВЛ-0,4кВ; расчысцілі ад хмызняку трасы на ВЛ-10кВ агульнай плошчай 32,5 га.
Нямала непрыемнасцей прыносяць дрэвы, што падаюць на паветраныя лініі ў лясных масівах. Таму уздоўж іх на працягу 6,34 км была праведзена валка небяспечных дрэў. На электралініях напружаннем 0,4кВ былі заменены ўводы на ізаляваныя правады ў дамы 179 жыхароў, устаноўлена 5 пунктаў секцыянавання.
На працягу года РЭС забяспечваў выкананне сацыяльных стандартаў па асвятленні вуліц населеных пунктаў раёна.
У межах рэалізацыі праграмы па зніжэнні страт электраэнергіі работнікі РЭС замянілі 16 комплексных трансфарматарных падстанцый на аднафазавыя мачтавыя станцыі і комплексныя трансфарматарныя падстанцыі мачтавага тыпу.
Па прынцыпе «адно акно» выканана 25 комплексных паслуг па падключэнні электраўстановак спажыўцоў да электрычных сетак.
Праведзена замена 1386 прыбораў уліку электраэнергіі ў спажыўцоў. Згодна плана мадэрнізацыі, устаноўлена 40 вынасных шаф уліку на электрычных лініях 0,4 кВ ад КТП-333 у в.Казулічы.
Галоўнае багацце кожнага прадпрыемства — людзі, якія на ім працуюць. Калектыў сустракае сваё прафесійнае свята з добрымі паказчыкамі, дзякуючы добрасумленнаму стаўленню спецыялістаў раёна электрычных сетак да сваіх працоўных абавязкаў. У ліку лепшых хацелася б адзначыць майстра Івана Сямёнава, электраманцёра Максіма Нікіфарава, механіка Андрэя Пацыенка, кладаўшчыка Галіну Пятроўскую, кантралёра Святлану Савельеву, тэхніка Вольгу Лазаковіч. Паспяхова працуюць і пераймаюць вопыт старэйшых калег маладыя спецыя­лісты — электраманцёры Сяргей Рабаконь, Сяргей Леснікоўскі, Дзмітрый Хурсан, якія адказна і з душой ставяцца да сваёй справы.
Даніну павагі аддаем і тым, хто прысвяціў жыццё рабоце ў РЭС і выйшаў на заслужаны адпачынак. Напярэда­дні Дня энегретыка мы наведалі Рыгора Іванавіча Куцілкіна, ветэрана Вялікай Айчыннай вайны, які адпрацаваў у РЭС больш за 30 год, частку з якіх — на пасадзе кіраўніка. Сустрэча атрымалася шчырай: Рыгор Іванавіч цікавіўся тым, што адбываецца ў РЭС зараз, таксама мы падзяліліся далейшімі планамі і перспектывамі развіцця. Трэба адзначыць былога кіраўніка раёна электрасетак Рыгора Алдашкіна, які 26 гадоў прысвяціў працы ў арганізацыі, а апошнія 14 — на чале калектыва. Пад яго кіраўніц­твам раён электрасетак дасягнуў пэўных поспехаў, а сам Р.М.Алдашкін быў адзначаны Ганаровай граматай райвыканкама.
Я цверда ўпэўнены, што наступны год будзе для нашай арганізацыі не менш паспяховым, бо з такімі матэрыяльна-тэхнічнымі сродкамі і калектывам, які зла­джана і прафесіянальна спраўляецца з любымі задачамі, ду­маць інакш немагчыма.
Падрыхтавала
Юлія ЗАВІШАВА.
Фота Максіма МІКЕШЫНА.
На здымках: вядучы інжынер Дзмітрый Мурашка і электраманцёры па эксплуатацыі размеркавальных сетак Андрэй Мурашка, Андрэй Бяляўскі, Андрэй Яскевіч і Сцяпан Васілеўскі; дыспетчар РДС раённай дыспетчарскай службы Дзмітрый Бэндэр.

Последние новости

Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024
Общество

Профсоюзы: защищая и помогая

26 марта 2024
Общество

Порядок завершения осенне-зимнего периода

26 марта 2024
Прямая линия

Прямая телефонная линия

26 марта 2024
Общество

Заседание комиссии

26 марта 2024

Рекомендуем

Актуально

В Кировске состоялось торжественное вручение паспортов

15 марта 2024
Общество

Быть гражданином Республики Беларусь – это большое счастье, высокая честь

15 марта 2024
Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024