Міністр юстыцыі Рэспублікі Беларусь адзначыў высокі ўзровень юрыдычных паслуг ва ўстановах Кіраўшчыны

Міністр юстыцыі Рэспублікі Беларусь адзначыў высокі ўзровень юрыдычных паслуг ва ўстановах Кіраўшчыны

IMG_0691222

Міністр юстыцыі Рэспублікі Беларусь Алег Сліжэўскі (першы злева), начальнік галоўнага ўпраўлення юстыцыі Магілёўскага аблвыканкама Аляксандр Маймусаў падчас наведвання аддзела ЗАГС райвыканкама. Каментарыі дае начальнік аддзела Наталля Хахол

На мінулым тыдні ў межах Адзінага дня інфармавання Кіраўшчыну наведаў міністр юстыцыі Рэспублікі Беларусь Алег Сліжэўскі. Падчас знаходжання ў раёне Алег Леанідавіч цікавіўся работай устаноў, падпарадкаваных Міністэрству юстыцыі, сярод іх — аддзел прымусовага выканання, натарыяльная кантора, аддзел ЗАГС райвыканкама. Наведваючы гэтыя ўстановы, міністр цікавіўся матэрыяльна-тэхнічнай базай, забеспячэннем кадрамі, пералікам і якасцю аказваемых грамадзянам паслуг. Удзел у сустрэчах прыняў начальнік галоўнага ўпраўлення юстыцыі Магілёўскага аблвыканкама Аляксандр Маймусаў.

Як азначыў Алег Сліжэўскі, на прыкладзе Кіраўскага раёна бачна, што праведзеная ў 2014 годзе рэформа судовай сістэмы, натарыята і сферы выканання судовых рашэнняў не прывяла да збояў у рабоце па абслугоўванні насельніцтва па розных пытаннях, якія тычацца юрыдычнай сферы. Напрыклад, натарыяльныя канторы пасля праве­дзенай рэформы ажыццяўляюць сваю дзей­насць на ўмовах самакіравання і самафінансавання.
У аддзеле прымусовага выканання раёна яго начальнік Надзея Сямёнава расказала аб рабоце ўстановы па выкананні судовых пастаноў і іншых дакументаў.
У сваю чаргу, Алег Сліжэўскі адзначыў, што, нягледзячы на праведзеную ў мінулым го­дзе аптымізацыю, калі штаты аддзелаў былі скарочаны на 30%, Кіраўскі аддзел прымусовага выканання дэманструе высокую эфектыўнасць работы і па некаторых паказчыках за 2017 год у ліку лепшых сярод аднатыпных устаноў не толькі ў вобласці, але і ў рэспубліцы. Гэта тычыцца скарачэння астатку няскончаных вытворчасцей і працэнта рэальнага выканання выканаўчых дакументаў. На рахунку кіраўскіх судовых выканаўцаў і самы высокі паказчык (90%) спагнання грашовых сродкаў з бацькоў, якія абавязаны кампенсаваць дзяржаве сродкі, затрачаныя на ўтрыманне іх дзяцей, у адпаведнасці з дэкрэтам №18 “Аб дадатковых мерах па дзяржаўнай абароне дзяцей у няўдачных сем’ях”.
Алег Сліжэўскі выказаў словы ўдзячнасці калектыву аддзела за плённую работу, а таксама адзначыў, што ў тым ліку і па іх дзейнасці людзі мяркуюць аб здольнасці ўлады абараняць іх правы і законныя інтарэсы.
Начальнік галоўнага ўпраўлення юстыцыі аблвыканкама Аляксандр Маймусаў закцэнтаваў увагу на тым, што выкарыстанне інфармацыйных тэхналогій дазваляе судовым выканаўцам больш аператыўна і максімальна поўна атрымліваць неабходную інфармацыю аб даўжніках і іх маёмасці. Падчас сустрэчы таксама абмяркоўваліся пытанні эфектыўнасці арганізацыі работы аддзела прымусовага выканання раёна ва ўмовах аптымізацыі. Супрацоўнікам былі дадзены практычныя арыенціры па ўдасканаленні якасці і аператыўнасці выканаўчых дзеянняў.
Станоўча была ацэнена і работа аддзела ЗАГС райвыканкама. Начальнік аддзела Наталля Хахол расказала аб працэдурах, якія аказваюцца грамадзянам, прывяла статыстычныя дадзеныя аб колькасці жыхароў раёна, узроўні нара­джальнасці, а таксама пазнаёміла з матэрыяльна-тэхнічнай базай установы.
Падчас агляду памяшканняў асаблівую задаволе­насць выказаў міністр юстыцыі, наведваючы пакоі ЗАГСа для правядзення ўрачыстых вяселляў. Ён адзначыў, што не многія аддзелы могуць пахваліцца падобнымі інтэр’ерамі.
У цэлым міністр юстыцыі Алег Сліжэўскі застаўся задаволены ўбачаным, ён адзначыў, што ўсе ўстановы Кіраўшчыны, якія знаходзяцца ў падпарадкаванні Міністэрства юстыцыі, ма­юць годныя ўмовы як для работы калектываў, так і для якаснага і эфектыўнага аказання паслуг.
Людміла СЯМЁНАВА.
Фота Максіма МІКЕШЫНА.

Последние новости

Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024
Общество

Профсоюзы: защищая и помогая

26 марта 2024
Общество

Порядок завершения осенне-зимнего периода

26 марта 2024
Прямая линия

Прямая телефонная линия

26 марта 2024
Общество

Заседание комиссии

26 марта 2024

Рекомендуем

Актуально

В Кировске состоялось торжественное вручение паспортов

15 марта 2024
Общество

Быть гражданином Республики Беларусь – это большое счастье, высокая честь

15 марта 2024
Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024