На спартыўных пляцоўках дастойна выступаюць кіраўчане

Спорт-символика

У новым сезоне прадстаўнікі Кіраўшчыны працягваюць дастойна выступаць на спартыўных пляцоўках абласнога, рэспубліканскага і сусветнага ўзроўню.

 

ШтаньгоУ Магілёве прайшлі двое спаборніцтваў высокага рэйтынгу па цяжкай атлетыцы з удзелам юных спартсменаў: абласная спартакіяда дзіцяча-юнацкіх спартыўных школ з удзелам штангістаў 2003-04 г.н. і Алімпійскія дні моладзі, дзе выступалі ўдзельнікі ва ўзросце 2001 г.н. і маладзей.

Выхаванцы Кіраўскай СДЮШАР паказалі добрыя рэзультаты і ў абодвух спаборніцтвах занялі агульнакамандныя 3-я месцы. Прычым адзначым, што нашы маладзейшыя рабяты спрачаліся не толькі з равеснікамі, але і са старэйшымі апанентамі. Выдатна выступілі Мікіта Гунаеў і Дар’я Чыжонак. У абодвух турнірах яны былі мацнейшымі за сапернікаў і занялі першыя месцы! Блізка да п’едэсталу гонару былі і іншыя нашы прадстаўнікі, іх рэзультаты — таксама дастойныя высокай ацэнкі.

***

ВаляболВыхаванкі аддзялення валейболу СДЮШАР прынялі ўдзел у адкрытым абласным турніры ў г.п. Шуміліна (Віцебская вобласць) памяці Героя Савецкага Саюза П.А.Акуцыёнка на прызы Шумілінскай раённай арганізацыі РГА “Белая Русь”. У паядынках удзельнічала 5 каманд. Падапечныя трэнераў Сяргея Лазаковіча і Тамары Грыгор’евай удала справіліся з усімі саперніцамі і сталі пераможцамі турніру.

Кіраўскія юныя валейбалісткі прынялі таксама ўдзел ў Алімпійскіх днях моладзі, якія праходзілі ў Магілёве. Нашы дзяўчаты занялі 4-е месца, крыху не дацягнуўшыся да тройкі прызёраў. Аднак дзеля справядлівасці варта адзначыць, што кіраўчанкі былі на 3 гады маладзейшыя за апанентак. Тым не менш, яны не толькі аказалі дастойнае супраціўленне астатнім камандам-удзельніцам, але і без перамог не пакінулі спаборніцтвы.

***

Пляжный мячІгракі нацыянальнай зборнай Беларусі па пляжным футболе працягваюць  падрыхтоўку да важнага сезона. Чарговыя вучэбна-трэніровачныя зборы каманда Нікаласа Альварада зноў правяла на радзіме галоўнага трэнера — у сонечнай Іспаніі. Нагадаем, што ў саставе галоўнай каманды краіны выступаюць трое кіраўчан. Праўда, на гэты раз у іспанскі курортны горад Бенідорм адправіліся двое з іх: Вадзім Бокач і Арцемій Дрозд. Юрый Пятроўскі па ўважлівай прычыне не змог саставіць ім кампанію.

Акрамя інтэнсіўных трэніровак беларусы правялі спарынгі з вядучымі пляжнафутбольнымі клубамі Іспаніі, зноў атрымаўшы перамогі над імі, як і месяц таму. Сярэбранага прызёра іспанскай лігі каманду “Левантэ” зборная Беларусі двойчы адолела з аднолькавым лікам 7:6. У першым матчы галамі вызначыліся Бокач і Дрозд. А напрыканцы ВТЗ была атрымана вікторыя над гаспадарамі — камандай “Бенідорм” з лікам 12:7. Два галы забіў Бокач.

Аляксандр ХАХЛОЎ.

Добавить комментарий

Ваш адрес email не будет опубликован.