Фізкультурнікі Кіраўшчыны адзначаюць прафесійнае свята

Фізкультурнікі Кіраўшчыны адзначаюць прафесійнае свята

Вел-1

У нашай краіне фізкультурна-спартыўны рух — адзін з галоўных прыярытэтаў сацыяльнай палітыкі дзяржавы, бо гэта залог здароўя нацыі, а, значыць, паспяховай і працвітаючай краіны.
Багатыя традыцыі мае фізкультурна-спартыўны рух на Кіраўшчыне, яны захоўваюцца і прымнажаюцца: усё больш поспехаў на рахунку нашых спарт­сменаў, прадстаўнікі раёна праслаўляюць сваю малую радзіму на спаборніцтвах міжнароднага, рэспубліканскага, абласнога ўзроўняў.
Ключавую ролю ў развіцці спорту высокіх дасягненняў, падрыхтоўцы спартыўнага рэзерву, развіцці фізічных здольнасцей падрастаючага пакалення адыгрывае спецыялізаваная дзіцяча-юнацкая школа алімпійскага рэзерву. Гэты статус былая ДЮСШ атрымала ў кастрычніку мінулага года. Аб тым, як працуецца ў новым статусе, якія планы і перспектывы, мы паразмаўлялі напярэдадні прафесійнага свята з дырэктарам СДЮШАР Сяргеем КЛІМОВІЧАМ:

— Высокія дасягненні спартсменаў з нашага раёна, паспяховыя выступ­ленні юнакоў і дзяўчат на спаборніцтвах розных узроўняў далі падставу для перакваліфікацыі ДЮСШ у дзіцяча-юнацкую школу алімпійскага рэзерву.
Гэтаму папярэднічала атэстацыя (праводзіцца раз у чатыры гады): абласная камісія вывучала ўкамплектаванасць навучальных груп, стан матэрыяльна-тэхнічнай базы, трэнерскі састаў, аналізавала рэзультаты выхаванцаў, перадачу спартсменаў у вышэйшае звяно і многае іншае. Атэстацыю прайшлі паспяхова, атрымалі новы статус і ў гэтым статусе працуем упэўнена, нацэлены на дастойныя дасягненні ў спаборніцтвах, выхаванне новых спартсменаў высокага ўзроўню. Тое, што нам гэта па плячы, школа даказала. Варта назваць нашых выхаванцаў, якія праслаўляюць родны край і Беларусь на міжнародных спаборніцтвах. Гэта веласпартсмены — майстар спорту міжнароднага класа Раман Цішкоў, майстар спорту Аксана Салаўёва, пляжны футбаліст, майстар спорту Вадзім Бокач, валейбалістка, майстар спорту Веалета Бяляўская і іншыя.
У нашай СДЮШАР культывуюцца 4 віды спорту і працуюць адпаведныя аддзяленні: футбола, веласпорту, цяжкай атлетыкі, валейболу. Сёлета ва ўстанове займаецца 336 вучняў. Працуюць 9 трэнераў, 6 сумяшчальнікаў — настаўнікаў школ раёна, каб даць сельскім дзецям магчымасць больш актыўна займацца фізкультурай і спортам.
У мінулым годзе нашы рабяты заваявалі 5 першых камандных месцаў, 5 — другіх, 3 — трэціх па валейболе, футболе, веласпорце, цяжкай атлетыцы, 15 асабістых прызавых месцаў.
У вышэйшае звяно падрыхтоўкі перададзена 7 чалавек. У спісах зборных каманд краіны 22 нашых выхаванцы.
Ёсць пэўныя дасягненні ў бягучым годзе: вела­спорт — першае месца на “Алімпійскіх днях моладзі” Магілёўскай вобласці, другое месца — у выхаванкі трэнера Андрэя Асташова Дар’і Чыжонак на фінальным этапе рэс­публіканскай спартакіяды сярод ДЮСШ па цяжкай атлетыцы і першае месца на абласной спартакіядзе сярод школьнікаў, другое месца валейбалістак на абласной спартакіядзе школьнікаў.
Як заўжды, плённа і вынікова працуе трэнер-выкладчык па веласіпедным спорце Юрый Цішкоў, які прызнаны лепшым па прафесіі ў сферы фізічнай культуры, спорту і турызму па выніках спаборніцтва сярод галін народнай гаспадаркі раёна за 2017 год. Ён з’яўляецца другім трэнерам зборнай каманды вобласці па веласпорце.
Таксама другім трэнерам абласной зборнай — па валейболе працуе наш трэнер-выкладчык Сяргей Лазаковіч. Яго выхаванкі — дзяўчаты-валейбалісткі стабільна дабіваюцца высокіх рэзультатаў у спаборніцтвах розных узроўняў.
Паспяхова развіваецца пляжны футбол: 8 нашых спартсменаў — у зборнай камандзе Беларусі. Трэнер СДЮШАР Вадзім Бокач па выніках мінулага года прызнаны лепшым пляжным футбалістам Беларусі, зыходзячы з галасавання ў сацыяльных сетках, па рэзультатах апытвання пляжнафутбольных спецыялістаў краіны яму аддадзена другое месца.
Павышаецца інтарэс рабят да цяжкай атлетыкі і, адпаведна, выхаванцы трэнераў Кірыла Іваніцкага і Андрэя Асташова дабіваюцца перамог і займаюць прызавыя месцы на абласным і рэспубліканскім узроўнях. А іх выхаванец Мікалай Бяляўскі, які зараз займаецца ў вучылішчы алімпійскага рэзерву, стаў членам зборнай Беларусі.
Хацелася б адзна­чыць прафесіянала ў сваёй справе выкладчыка фізічнай культуры і здароўя Паўлавіцкай СШ імя Р.А.Ху­далеева, па сумяшчальніцтву трэнера СДЮШАР Валерыя Вароніча: дастаткова нагадаць, што 9 разоў запар установа адукацыі лідзіруе ў раённай спартакіядзе школьнікаў, рабяты паспяхова выступаюць у саставе зборнай раёна.
Безумоўна, ёсць уклад нашых трэнераў і рабят у тое, што аддзел адукацыі, спорту і турызму райвыканкама па выніках работы за 2017 год заняў трэцяе месца ў спаборніцтве гарадоў і раёнаў Магілёўскай вобласці па развіцці фізічнай культуры, спорту і турызму, трэцяе агульнакаманднае месца ў круглагадовай абласной спартакіядзе школьнікаў.
Хочацца адзначыць, што фізкультура і спорт у раёне развіваюцца пас­пяхова дзякуючы трывалым традыцыям у гэтай сферы. Моладзь раўняецца на ветэранаў спорту. У першую чаргу, назаву Уладзіміра Сцяпанавіча Бяляўскага, які стаяў ля вытокаў стварэння ДЮСШ, з’яўляецца арганізатарам і галоўным суддзёй Мемарыяла К.П.Арлоўскага па веласіпедным спорце, які сёлета будзе праводзіцца ў 50-ты раз!
Нашы выхаванцы і трэнеры прымаюць актыўны ўдзел у мерапрыемствах, праводзімых у межах праекта “Кіраўск — здаровы горад”, акцыі “За здароўем — на веласіпе­дзе!”, іншых фізкультурна-спартыўных мерапрыемствах і акцыях.
Зусім хутка распачнуцца летнія школьныя канікулы. Прымаем рабят у нашым спартыўна-аздараўленчым лагеры. Паралельна будзем рыхтавацца да новага навучальнага года, удасканальваючы сваю матэрыяльна-тэхнічную базу.
А ўвогуле настрой у трэнераў і выхаванцаў самы аптымістычны таму, што ў душы жыве любоў да спорту, упэўненасць у яго карысці для здароўя і самаадчування: будзем працаваць і дабівацца новых перамог! А таксама спадзяемся, што ўбачым нашых выхаванцаў у якасці ўдзельнікаў II Еўрапейскіх гульняў 2019 года ў Мінску.
Наталля ХАДАКОВА.

Последние новости

ЖКХ

Пользовался ЖКУ – оплати!

29 марта 2024
Общество

На вопросы даны компетентные ответы

29 марта 2024
Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

Кировск встречает весну

16 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024