Пасяджэнне бацькоўскага клуба “Захавай сям’ю для дзіцяці” прайшло ў Кіраўскім РДК

Пасяджэнне бацькоўскага клуба “Захавай сям’ю для дзіцяці” прайшло ў Кіраўскім РДК

У чарадзе навагодніх мерапрыемстваў у раённым Доме культуры прайшло традыцыйнае пасяджэнне раённага бацькоўскага клуба “Захавай сям’ю для дзіцяці” ў форме навагодняй сустрэчы “Новы год — свята ўсёй сям’і”, прымеркаванае да дабрачыннай акцыі “Цуды на Раство”. Для ўдзелу былі запрошаны разам з бацькамі непаўналетнія, якія знаходзяцца ў сацыяльна небяспечным становішчы, а таксама абавязаныя асобы, якія маюць непаўналетніх дзяцей.

Павысіць адказнасць бацькоў за выхаванне дзяцей, эфектыўнасць выхаваўчага патэнцыялу сям’і — менавіта такія мэты ставіліся арганізатармі мерапрыемства — аддзелам ідэалагічнай работы, культуры і па справах моладзі райвыканкама, камісіяй па справах непаўналетніх райвыканкама, сацыяльна-педагагічным цэнтрам раёна, раённымі арганізацыямі РГА “Белая Русь”, ГА “БРСМ”. Дарослыя ўдзельнікі размясціліся ў відэазале, дзеці пад наглядам работнікаў культуры — у дысказале.

З уступным словам да бацькоў звярнулася намеснік старшыні райвыканкама, старшыня камісіі па справах непаўналетніх Таццяна Бяляўская. Яна павіншавала ўсіх з надышоўшым Новам годам і Раством і заклікала зрабіць усё ад іх залежачае, каб іх дзеці раслі ў любові і клопаце. Тое, што дзеці ў пэўных сем’ях, заўважыла Таццяна Бяляўская, прызнаюцца знаходзячыміся ў сацыяльна небяспечным становішчы — свайго роду перасцярога, папярэджанне, повад задумацца бацькам, што яны не ў дастатковай меры надаюць увагу выкананню абавязкаў па выхаванні ўласных дзяцей, і выправіць паводзіны. У пераважнай большасці ў такіх сем’ях злоўжываюць спіртным. Асабліва плачэўная сітуацыя там, дзе з “зялёным змеем” сябруюць жанчыны. Бытавыя скандалы, сваркі, іншыя экстрэмальныя сітуацыі вельмі дрэнна адбіваюцца на псіхіцы дзяцей, якія, нібыта губка, упітваюць у сябе ўсё тое, што бачаць вакол сябе. За тое, каб яны раслі ў поўнай бяспецы ад падобнага негатыву,  адказваюць бацькі.

У сацыяльна небяспечных сем’ях, як вядома, узнікае высокая верагоднасць рызыкоўных момантаў, у тым ліку звязаная з пажарнай небяспекай. Сёлета ў першы дзень надышоўшага года ў раёне адбыўся пажар у мнагадзетнай сям’і з аг.Баравіца. І менавіта дарослыя былі вінаватыя ў тым, што чацвёра дзяцей маглі пацярпець ад наступстваў узгарання. На шчасце, усё абышлося, і пажар быў своечасова лакалізаваны, аднак факт застаецца фактам. Аб захаванні правілаў пажарнай бяспекі нагадаў прысутным першы намеснік начальніка РАНС Вячаслаў Сідараў.

Стрэсавыя сітуацыі адмоўна ўплываюць на фарміраванне асобы дзіцяці. Аб наступствах, якія вынікаюць у гэтым плане, гаварыў педагог-псіхолаг сацыяльна-педагагічнага цэнтра раёна Яўген Шыбкоў.

Прафілактыка злачынстваў і правапарушэнняў у сферы сямейна-бытавых адносін стала тэмай выступлення начальніка інспекцыі па справах непаўналетніх РАУС Андрэя Літвінкі.

Паўнацэнная, здаровая сям’я — безумоўна, адна з галоўных каштоўнасцей у нашым жыцці. Гэта падкрэсліў намеснік старшыні камісіі па справах непаўналетніх райвыканкама Міхаіл Каранкевіч. Бацькі павінны імкнуцца даць дзецям усё самае лепшае. Але, на жаль, існуюць і гора-бацькі, якія выбіраюць для сябе іншыя “каштоўнасці”, не жадаюць належным чынам выхоўваць сваіх дзяцей. Такія сем’і становяцца аб’ектамі кантролю з боку суб’ектаў прафілактыкі.

Пакуль з бацькамі праводзілася гутарка, для хлопчыкаў і дзяўчынак была арганізавана гульнявая забаўляльная праграма “Новы год ідзе па планеце”. Работнікі культуры пастараліся стварыць для рабят святочную атмасферу, зрабіць так, каб яны ўбачылі і адчулі, што вакол шмат добрых людзей, цікавы і непаўторны свет. Карагоды вакол навагодняй ёлкі, танцы, рухомыя гульні, адгадванне загадак, пачастункі за “салодкім сталом” — усё гэта стварала ў дзятвы выдатны настрой, іх вочы свяціліся радасцю, а на тварах ззялі ўсмешкі. І хочацца спадзявацца, што бацькі, бачачы гэта, зробяць належныя вывады і падораць сваім дзецям шмат так патрэбнай ім увагі, падораць яшчэ шмат светлых і радасных дзён, агорнуць іх сваёй любоўю і клопатам.

Аляксандр ХАХЛОЎ.

Фота аўтара.

 

Последние новости

Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024
Общество

Профсоюзы: защищая и помогая

26 марта 2024
Общество

Порядок завершения осенне-зимнего периода

26 марта 2024
Прямая линия

Прямая телефонная линия

26 марта 2024
Общество

Заседание комиссии

26 марта 2024

Рекомендуем

Актуально

В Кировске состоялось торжественное вручение паспортов

15 марта 2024
Общество

Быть гражданином Республики Беларусь – это большое счастье, высокая честь

15 марта 2024
Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024