У СШ №2 імя К.П.Арлоўскага прайшоў агляд строю і песні

У СШ №2 імя К.П.Арлоўскага прайшоў агляд строю і песні

На базе СШ №2 імя К.П.Арлоўскага прайшоў традыцыйны агляд строю і песні з удзелам 9 каманд з ліку вучняў 5-11 класаў, прысвечаны Дню абаронцаў Айчыны.
Пачалося патрыятычнае мерапрыемства з Дзяржаўнага гімна Рэспублікі Беларусь і ўзняцця Дзяржаўнага флага Рэспублікі Беларусь, гэтае права было прадастаўлена пераможцам леташняга агляду строю і песні, прадстаўнікам каманды “Пазітыў” 9 “А” класа.

Пераможца агляду строю і песні каманда «Пазітыў» з 9 «А» класа СШ №2 імя К.П.Арлоўскага разам з ганаровымі гасцямі: начальнікам адасобленай групы Кіраўскага раёна Бабруйскага аб’яднанага ваеннага камісарыята Андрэем Гайдукевічам, былым воінам-інтэрнацыяналістам, ветэранам працы Мікалаем Пад’ялоўскім, намеснікам начальніка РАУС па ідэалагічнай рабоце і кадравым забеспячэнні Юрыем Каранкевічам, старшым інспектарам РАНС Аляксандрам Жураўскім.

Удзел у мерапрыемстве ў якасці кампетэнтнага журы прынялі начальнік адасобленай групы Кіраўскага раёна Бабруйскага аб’яднанага ваеннага камісарыята Андрэй Гайдукевіч, былы воін-інтэрнацыяналіст, ветэран працы Мікалай Пад’ялоўскі, намеснік начальніка РАУС па ідэалагічнай рабоце і кадравым забеспячэнні Юрый Каранкевіч, старшы інспектар РАНС Аляксандр Жураўскі.
З прывітальнымі словамі да настаўнікаў і вучняў звярнуўся Андрэй Гайдукевіч. Ён заклікаў рабят праяўляць актыўную грамадзянскую пазіцыю, сябра­ваць са спортам, а юнакам — не баяцца службы ў арміі, каб з гонарам несці званне абаронцы Айчыны.
Ганаровы госць мерапрыемства Мікалай Пад’ялоўскі, звяртаючыся да рабят, адзначыў, што толькі прайшоўшы вайсковую службу, ён адчуў, што такое сапраўднае мужчынскае сяброўства і ўзаемавыручка. Па яго словах, армія робіць з юнака мужчыну і дае шанц у поўным сэнсе зразумець, што для чалавека значаць паняцці Радзіма, сям’я, родныя мясціны. Ён пажадаў рабятам у будучым стаць сапраўднымі грамадзянамі і патрыётамі Беларусі, любіць і шанаваць сваю малую радзіму.
Кожны клас адрозніваўся асаблівай формай адзення, выпраўкай, і ўсе мелі агульнае жаданне — перамагчы. Камандзіры здавалі рапарт старшыні журы Андрэю Гайдукевічу і дэманстравалі падрыхтаванасць сваіх каманд.

Каманды дэманстрава­лі выступленне па страя­вой падрыхтоўцы, якое ацэньвалася па наступных паказчыках: дысцыпліна строю, знешні выгляд, выкананне перастраенняў і паваротаў, страявы крок, выкананне страявой песні, а таксама зладжаныя дзеянні камандзіраў. Менавіта на іх ляжала вялікая адказнасць: і за сябе асабіста, і за ўсю каманду. Падтрымлівалі і перажывалі за рабят іх аднакласнікі, а таксама настаўнікі фізкультуры і класныя кіраўнікі: гэта была ацэнка і іх працы — некалькі тыдняў трэніровак, развучванне песень, дакладнае выкананне каманд.
Варта адзначыць, што з кожным годам конкурс становіцца ўсё больш відовішчным, а выступленне каманд — зладжаным і дакладным.
Пакуль журы вызначала леп­шых, увазе слухачоў былі прадстаўлены музычныя нумары.
Вызначыць лепшых журы было даволі няпроста: рабяты падрыхтава­ліся да агляду адказна, а колькасць набраных балаў у некаторых была амаль аднолькавая. У выніку ўпартай барацьбы 1-е месца заваявала каманда “Пазітыў” (9 “А” клас), прычым, што асабліва ўразіла, — у саставе каманды — толькі дзяўчынкі і гэта не першая іх перамога ў падобным конкурсе. На 2-ім месцы — “Дазор”
(5 “Б” клас), 3-ім — “Танкісты” (6 “А” клас). Лепшым каман­дзірам быў прызнаны Данііл Васілеўскі з 5 “Б” класа, у падначаленні якога на аглядзе строю і песні былі толькі дзяўчынкі. Аднак іх дэбют у дадзеным мерапрыемстве аказаўся ўдалым: першае выступленне — і адразу 2-е месца.
Усе пераможцы атрымалі дыпломы адпаведных ступеней і салодкія прызы.
Заахвочвальнымі прызамі былі адзначаны каманды 5, 7
і 8 класаў.

Праведзенае мерапрыемства ў чарговы раз пацвердзіла, што патрыятычнае выхаванне школьнікаў дапамагае згуртоўваць класныя калектывы, фарміруе ў рабят адказнасць за свае ўчынкі, вучыць праяўляць актыўнасць у жыцці школы.
Людміла СЯМЁНАВА.
Фота аўтара.

 

Последние новости

Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024
Общество

Профсоюзы: защищая и помогая

26 марта 2024
Общество

Порядок завершения осенне-зимнего периода

26 марта 2024
Прямая линия

Прямая телефонная линия

26 марта 2024
Общество

Заседание комиссии

26 марта 2024

Рекомендуем

Актуально

В Кировске состоялось торжественное вручение паспортов

15 марта 2024
Общество

Быть гражданином Республики Беларусь – это большое счастье, высокая честь

15 марта 2024
Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024