Сёння, у Дзень маці, у гарадскім парку была працягнута закладка “Парка сямейных дрэў” — як знак павагі ўсім жанчынам-маці. Удзел у пасадцы дрэў прынялі маладыя кіраўчанкі, якія з гонарам нясуць званне Маці. Ініцыятарамі правя­дзення мерапрыемства выступілі раённыя арганізацыі грамадскіх аб’яднанняў “БРСМ”, “Белая Русь” і “Беларускі Фонд міру”.
Звяртаючыся да прысутных, начальнік аддзела ідэалагічнай работы, культуры і па справах моладзі райвыканкама Ларыса Гаўрылава адзначыла, што для кожнага чалавека маці — гэта крыніца жыцця, любові і надзеі, сілы і натхнення, якая дорыць святло і цеплыню сваёй душы дзецям. Галоўная задача кожнай жанчыны — стварыць вакол сябе прастору любові і прыгажосці, што так неабходна для сямейнага шчасця, сацыяльнага поспеху і працвітання роднага краю.
У Год малой радзімы на Кіраўшчыне праходзіць шэраг мерапрыемстваў па добраўпарадкаванні горада і сельскіх населеных пунктаў, азеляненні паркаў і вуліц.
Сімвалічна, што ўдзел у мерапрыемстве прыняла моладзь Кіраўшчыны, якая павінна выхоўвацца на традыцыйных сямейных каштоўнасцях, прынцыпах любові да сваёй малой радзімы, гістарычных традыцыях і каштоўнасцей беларусаў.
Ганаровае права пасадкі алеі было прадастаўлена Вользе Заркевіч, Яне Русецкай, Ірыне Пятроўскай, Вользе Шчэмелевай, Ганне Бойка, Кацярыне Ласяковай, Наталлі Каранкевіч, Ірыне Рудак, Вікторыі Паўлоўскай, Наталлі Галдабаевай, Людміле Сідаравай, Алене Сцепановіч, Кацярыне Хутарцовай, Вользе Тарабуевай, Любові Куцянковай.
Матулі пасадзілі маладыя дрэўцы, якія будуць расці і мацнець разам з іх дзеткамі і стануць сімвалам сямейнага дабрабыту.
Фота
Людмілы СЯМЁНАВАй.