“Парад парасонаў-2020” прайшоў у онлайн-фармаце

Традыцыйны фестываль арыгінальных творчых работ “Парад парасонаў” стаў адным з самых яскравых і запамінальных падзей. Сёлета ён прайшоў у онлайн-фармаце.

У красавіку ДУК “Цэнтралізаваная клубная сістэма Кіраўскага раёна” наладзіла дыстанцыйны конкурс. Удзельнікам – дзецям і моладзі, а таксама жадаючым дарослым – прапаноўвалася незвычайна аформіць парасоны з дапамогай падручных матэрыялаў, а затым сфатаграфаваць свае творчыя работы альбо зняць відэа. Зараз онлайн-парадам парасонаў можна пацікавіцца ў сацыяльнай сетцы “ВКонтакте” на старонцы ДУК “ЦКС Кіраўскага раёна”.
Кіраўчане розных узростаў актыўна ўключыліся ва ўдзел у конкурсе. На суд журы было прадастаўлена 45 арыгінальна аформленых парасонаў: “Бліскучыя напевы”, “Вінтаж”, “Галактыка”, “Дзяўчына Вясна”, “Дыханне лета”, “Лялька Беларуска” і іншыя. Прадэманстраваны і такія парасоны, як “Жыццё ў яскравых масках”, “Коронавирус, прощай, и от нас скорее улетай!”.
Журы вызначыла пераможцаў у розных намінацыях. Так, лепшы “Гламурны парасон” зрабіла Злата Азаранка, “Арыгінальны парасон” – Алёна Волкава (фота 3), “Інтэр’ерны парасон” – Валянціна Сідарава, “Папяровы парасон” – Вольга Малахоўская, “Актуальны парасон” – Вераніка Асташова, “Касмічны парасон” – Ганна Еўдакімава, “Нацыянальны каларыт” – Валянціна Сідарава, “Карнавальны парасон” – Надзея Баравая, “Вясновы парасон” – Міраслава Іванчанка, “Сямейны парасон” – Ульяна Санькова, “Парасон-Велікан” – Наталля Беляшова і Наталля Саламаха (фота 1), “Міні-парасон” – Глеб Акуліч, “Летні парасон” – Маргарыта Канстанцінава (фота 2), “Малая радзіма” – Ірына Куксік, “Спартыўны парасон” – Наталля Беляшова.
Па выніках онлайн-галасавання лепшы “Онлайн-парасон” аформіла Ксенія Чорная.
Аўтары арыгінальных парасонаў адзначаны дыпломамі ДУК “Цэнтралізаваная клубная сістэма Кіраўскага раёна”.

Добавить комментарий

Ваш адрес email не будет опубликован.