Галоўны клопат – кармавыя запасы

Галоўны клопат – кармавыя запасы

З кожным днём тэмпы палявых работ у сельгасарганізацых раёна толькі павялічваюцца: сянажныя траншэі напаўняюцца духмянай зялёнай масай, цукровыя буракі, раскінуўшы лапушыстыя лісты, набіраюць вагу, царыца палёў – своечасова падкормленая і апрацаваная, імкнецца ўвысь. Не адвесці вачэй і ад хлебных палеткаў, дзе стаяць моцныя расліны з налітымі зярняткамі каласамі.

Радуюцца важкаму ўраджаю збожжавых вадзіцель Аляксей Шыбкоў, старшы камбайнер Яўген Максімаў і камбайнер Аляксей Хвясько.
З кагорты вопытных механізатараў – Канстанцін Калаткоў.
Механізатары Алег Бычкоў і Міхаіл Куліновіч.
Галоўны аграном Андрэй Голубеў задаволены травастоем.

У мінулую сераду журналісты раёнкі наведаліся ў ААТ “Дабаснянскае”, дзе мелі магчымасць назіраць за ходам палявых работ на мясцовых палях. Галоўны клопат дабаснянцаў на дадзеным этапе – нарыхтоўка кармоў. Варта адзначыць, што сёлета працаўнікі сельгаставарыства – у лідарах раённага спаборніцтва, дэманструючы зладжанасць і высокую арганізаванасць пры правядзенні корманарыхтоўкі. У такім выпадку і вынік не прымушае сябе чакаць: на ўмоўную галаву жывёлы тут ужо маюць больш за 18 ц.к.адз., і гэта пры тым, што работы яшчэ ў самым разгары. Дарэчы, у апошнія гады дабаснянцы рыхтуюць кармы з трывалым запасам: хапае і для ўласнага грамадскага статка, і для рэалізацыі лішкаў.
Першым аб’ектам наведвання сталі палеткі, дзе густой сцяной стаяла гароха-аўсяная сумесь. Пакуль чакалі кормакамбайн, які мільгаў удалечыні, мелі магчымасць палюбавацца травамі: расліны гароха “вымахалі” больш метра ў вышыню, а авёс “развесіў” моцныя мяцёлкі з зярнятамі. Галоўны аграном Андрэй Голубеў не без гонару паказваў гэтае поле: маўляў, за гады сваёй работы такі травастой яны вырасцілі, мабыць, упершыню. Згадзіўся з ім і камбайнер Канстанцін Калаткоў, які на КВК-800 задзейнічаны на змяльчэнні зялёнай масы. Сапраўды, літаральна некалькі дзясяткаў метраў руху кормакамбайна, і трактар, прычэп якога напоўнены духмянай зялёнай масай, імчыць да месца складзіравання і закладкі кармоў.
Па словах Андрэя Голубева, травы сёлета на ўсіх палетках радуюць. Расліны былі своечасова падкормлены і падсеяны, і ў большасці сваёй увесь травастой – 1-2-летні, акрамя люцэрны. Гэтая культура пры правільным доглядзе здольная за сезон даваць па 5-6 ураджаяў зеляніны, прычым выкарыстоўваць яе для нарыхтоўкі кармоў можна да 7 год без перасеву, адзначыў галоўны аграном.
На падборы і змяльчэнні траў шчыруе на УЭС і Міхаіл Куліновіч. Адказныя і добрасумленныя механізатары не прыпыняюць сваіх сталёвых коней літаральна ні на хвіліну, адзіны перапынак – калі прывозяць на палеткі абеды.
Важны ланцужок у корманарыхтоўчай кампаніі – працаўнікі, занятыя на адвозцы траў ад камбайнаў. На гэтых работах задзейнічаны зараз Сяргей Сямёнаў, Вадзім Ганчароў, Станіслаў Хвясько, Алег Бычкоў, у найбольш гарачы перыяд былі таксама заняты на МАЗах Яўген Кавалёў і Аляксей Шыбкоў, на ГАЗ-53 – Мікалай Асташоў. Алег Сосаў паралельна з адвозкай зялёнай масы шчыраваў на ўборцы свірэпіцы. Дарэчы, з 50 га гэтай культуры тут атрымалі 132 т насення (у бункернай вазе).
Забяспечваюць хуткі ход нарыхтоўкі кармоў і механізатары, якія займаюцца скошваннем траў: Уладзімір Казлоўскі і Віктар Галомзік, на іх рахунку – больш за 1500 га. На зграбанні і варушэнні масы працуе Рыгор Шэлегаў, дагэтуль шчыраваў на агрэгаце з граблямі Канстанцін Бязумаў, які апрацаваў больш за 1000 га.
Частка зялёнай масы ідзе на падкормку для грамадскага статка, астатняе – на закладку ў сянажныя траншэі, а пры спрыяльным навор’і – на сена, якое з дапамогай прэс-падборшчыкаў, якімі кіравалі Рыгор Шэлегаў і Віталь Палякоў, скручвалася ў рулоны. Кармавы запас дабаснянцаў па стане на 9 ліпеня складаў больш за 10000 т сенажу і 400 т сена.
Нарыхтававаць кармы – адна справа, лічаць спецыялісты сельгаставарыства, важна правільна правесці іх закладку, трамбоўку, забяспечыць належнае захоўванне, каб прадстаячы зімова-стойлавы перыяд грамадскага статка прайшоў зладжана. Таму належная ўвага – сянажным траншэям. За якасць закладкі сенажу адказ­ваюць ветспецыялісты: право­дзіцца вымярэнне тэмпературы масы, кантралюецца трамбоўка, як найбольш важны этап у гэтым працэсе. Мабыць, таму работы на трамбоўцы даверылі самым адказным і вопытным механізатарам – Аляксандру Ясянецкаму і Івану Зубаву. Менавіта яны на “Амкадорах” завяршаюць працэс закладкі кармоў.
Пры спрыяльным надвор’і за дзень на траншэі звозяць каля 500 т здрабнёных траў, што дазваляе правесці закрыцце ямы за 3-4 дні, згодна тэхналогіі.
Дабаснянцы – адзіныя ў раёне, а, магчыма, і ў вобласці, хто ў мінулым годзе вырашыў “паэксперыментаваць”: на 44 га яны пасеялі азімы ячмень польскай селекцыі “Тэрэза”. І не памыліліся. Расліны вышынёй больш метра стаяць густымі радамі з налітымі зернем каласамі. Гэтая культура – ранняга тэрміну выспявання: дзень-два, і мясцовыя хлебаробы атрымаюць першыя тоны залацістага зерня. На збожжавым ячменным палетку абкатку камбайна і яго наладку ўжо правёў маладзёжны экіпаж у саставе старшага камбайнера Яўгена Максімава і камбайнера Аляксея Хвясько. Ім даверылі першым у сельгаставарыстве даць старт жніву-2020.
За нарыхтоўкай кармоў і зборам вырашчанага ўраджаю не забываюцца мясцовыя аграрыі клапаціцца і пра іншыя культуры. Паралельна вядзецца хімічная апрацоўка цукровых буракоў, свайго часу чакаюць кукуруза і півавараны ячмень. На вызваленых палетках вя­дзецца ворыва: хутка тут размесцяцца травы на зялёную масу. Правялі ўборку чырвонай і траснікавіднай аўсяніцы, злакавых і яжы: намалочана 15 т насення, якое прадстаіць апрацаваць і ачысціць. Наперадзе – уборка цімафееўкі і канюшыны.
Чакаюць свайго “зорнага часу” і збожжавыя палеткі, якія, па словах Андрэя Голубева, павінны сёлета асабліва парадаваць важкім ураджаем, аддзячыўшы руплівых і старанных працаўнікоў поўнымі засекамі “золата палёў”.
Людміла СЯМЁНАВА.
Фота Максіма МІКЕШЫНА.

Последние новости

Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024