КІРАЎШЧЫНА: РЫТМ ЖЫЦЦЯ

Наперадзе – новыя дасягненні

Сённяшняе пакаленне жыхароў Кіраўшчыны, свята захоўваючы і прымнажаючы слаўныя працоўныя традыцыі, уносіць важкі ўклад у сацыяльна-эканамічнае развіццё раёна, Магілёўскай вобласці, Рэспублікі Беларусь. Прапануем чытычам “раёнкі” ўспомніць найбольш значныя дасягненні арганізацый і ўстаноў раёна, асобных яго прадстаўнікоў па выніках 2019 года, а таксама сёлета.
• Па выніках спаборніцтва сярод органаў мясцовага самакіравання Магілёўскай вобласці за 2019 год сярод сельскіх Саветаў дэпутатаў пераможцам прызнаны Скрыпліцкі сельскі Савет дэпутатаў (старшыня Жанна Рышкевіч) нашага раёна з прысуджэннем пераходнага сцяга, дыплома І ступені і грашовай прэміі. Сярод органаў тэрытарыяльнага грамадскага самакіравання трэцяе месца па выніках спаборніцтва – на рахунку старшага па дому №12 па вул.Савецкай г.Кіраўска Віктара Рыгоравіча Каляснёва з прысуджэннем яму дыплома ІІІ ступені.
• У ліку пераможцаў агляду-конкурсу на лепшую арганізацыю рэгіёна па ахове працы і прафілактыкі вытворчага траўматызма за 2019 год, сярод 70 прэтэндэнтаў – установа аховы здароўя “Кіраўская цэнтральная раённая бальніца”. Калектыву ўручаны дыплом ІІІ ступені.
• У ліку пераможцаў абласнога агляду-конкурсу ўпраўлення па ахове здароўя Магілёўскага аблвыканкама па павышэнні якасці і культуры медыцынскага абслугоўвання насельніцтва за 2019 год – Любоніцкая амбулаторыя ўрача агульнай практыкі (загадчык М.В.Баўтовіч). У сваёй катэгорыі кіраўскія медыкі сталі трэцімі.
• Згодна вынікаў абласнога агляду-конкурсу якасці і культуры сацыяльнага абслугоўвання насельніцтва за 2019 год першае месца сярод тэрытарыяльных цэнтраў сацыяльнага абслугоўвання насельніцтва было прысуджана ўстанове “Кіраўскі раённы цэнтр сацыяльнага абслугоўвання насельніцтва”. Лідзіруючыя пазіцыі кіраўчане ўтрымліваюць ужо восем год запар.
• У ліку калектываў арганізацый спажывецкай кааперацыі вобласці, дасягнуўшых лепшых паказчыкаў у гаспадарча-фінансавай дзейнасці за 2019 год, – Кіраўскае райспажыўтаварыства (старшыня праўлення Святлана Сарока), якое заняло другое месца па агульнай дейнасці ў сістэме Магілёўскага аблспажыўсаюза. Калектыў быў узнагароджаны Ганаровай граматай аблспажыўсаюза.
• Па выніках абласнога спаборніцтва сярод гарадоў і раёнаў вобласці па развіцці фізічнай культуры, спорту і турызму за 2019 год Кіраўскі раён заняў першае месца.
• Каманда Кіраўскага раёна ўпершыню заваявала агульнае першае месца па выніках абласной спартакіяды школьнікаў 2019 года і была ўзнагароджана Кубкам і дыпломам І ступені.
• На XV абласной зімовай спартакіядзе аграпрамысловага комплексу, якая прайшла на базе аг.Усход Магілёўскага раёна, кіраўчане ў дзясяты раз занялі 2-е месца. Па выніках усіх спартакіяд кіраўская каманда па праву лічыцца самай тытулаванай.

• Высокай урадавай узнагароды ўдастоены трактарыст-машыніст ААТ “Рассвет імя К.П.Арлоўскага” Мікалай Белакурскі. Яму аб’яўлена Падзяка прэм’ер-міністра Рэспублікі Беларусь Сяргея Румаса за шматгадовую плённую працу, высокі прафесіяналізм, значны асабісты ўклад у развіццё аграпрамысловага комплексу.
• Вучань СШ №1 Віктар Будніцкі ўдастоены спецыяльнай прэміі аблвыканкама ў сацыяльнай сферы ў намінацыі “Адукацыя”. Юнак на працягу некалькіх год з’яўляўся актыўным удзельнікам алімпіяднага руху, пераможцам другога этапа рэспубліканскай алімпіяды па вучэбных прадметах “Сусветная гісторыя”, “Гісторыя Беларусі”, “Грамадазнаўства”.
• Выкладчык рускай мовы і літаратуры СШ №2 імя К.П.Арлоўскага Надзея Комар стала лаўрэатам (па суме набраных балаў заняла 3 месца) абласнога этапа конкурсу прафесійнага майстэрства “Настаўнік года Рэспубікі Беларусь” у намінацыі “Руская мова і літаратура, беларуская мова і літаратура” (сярод 24 педагогаў з розных куткоў Магілёўшчыны).

Добавить комментарий

Ваш адрес email не будет опубликован.