Фестываль “Яблычны Спас” адбыўся ў Кіраўскім раёне

Сёння ў зоне адпачынку “Крынічка”, дзе абсталяваны водасвятны комплекс св.Аляксандра Неўскага, прайшоў фестываль “Яблычны Спас”. Тут прысутнічала кіраўніцтва раёна, прадстаўнікі працоўных калектываў, жыхары Кіраўшчыны, госці.

Тэрыторыя зоны адпачынку была па-святочнаму ўпрыгожана. У цэнтры стаяў вялікі стол, дзе ганаровае месца занялі яблыкі новага ўраджаю. Гэтыя сакавітыя плады, а таксама іншыя фрукты, агародніна былі ў продажы для ўсіх жадаючых: пастараліся сюды іх даставіць Жыліцкі сельгаскаледж, ААТ “Рассвет імя К.П.Арлоўскага”, райспажыўтаварыства. Кожны таксама меў магчымасць прадэгуставаць стравы, прыгатаваныя з выкарыстаннем яблыкаў.
Вядучыя расказалі пра праваслаўнае свята Ператварэнне Гасподне або Яблычны Спас, яго абрады.
Настаяцель Свята-Пакроўскага храма г.Кіраўска пратаіерэй Дзмітрый Первій здзейсніў чын асвяшчэння яблыкаў.
Далей адбылася канцэртная праграма самадзейных калектываў раёна.
Фота Максіма МІКЕШЫНА.

Добавить комментарий

Ваш адрес email не будет опубликован.