У Кіраўску прайшоў мітынг у падтрымку міру, бяспекі і спакою ў Беларусі
У Кіраўску на плошчы імя Кірава прайшоў мітынг “За Беларусь!” у падтрымку міру, бяспекі і спакою. На яго сабраліся прадстаўнікі органаў улады, грамадскіх арганізацый, працоўных калектываў, кіраўчане і жыхары раёна, якім неабыякавая будучыня роднай краіны. У радах удзельнікаў мітынгу было шмат моладзі. Усюды луналі дзяржаўныя флагі Рэспублікі Беларусь, у руках удзельнікаў былі плакаты. У цяперашні неспакойны час людзі з’ядналіся ў адзіным парыве, каб выказаць падтрымку дзеючай уладзе і беларускаму лідару Аляксандру Лукашэнку.
[ngg_images source=”galleries” container_ids=”34″ exclusions=”822,830″ sortorder=”822,813,814,815,816,819,817,818,820,823,810,824,812,825,826,811,827,828,829,830,831,832,833,834,835,837,840,839,838,821,836″ display_type=”photocrati-nextgen_basic_thumbnails” override_thumbnail_settings=”0″ thumbnail_width=”120″ thumbnail_height=”90″ thumbnail_crop=”1″ images_per_page=”20″ number_of_columns=”0″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”1″ slideshow_link_text=”[Show slideshow]” order_by=”sortorder” order_direction=”ASC” returns=”included” maximum_entity_count=”500″]Да мікрафона на мітынгу падыходзілі прадстаўнікі самых розных прафесій і сфер дзейнасці, розных узростаў – ветэраны працы і моладзь, у іх словах адчуваўся шчыры клопат за сённяшні дзень нашай Айчыны, будучыню дзяцей і ўнукаў. Кожны падкрэсліваў, што незалежнасць, суверэнітэт дасталіся беларускаму народу няпроста. І трэба зрабіць усё, каб захаваць агульныя здабыткі і прымножыць іх. Нельга дапусціць раз’яднання нашага народа, трэба ўсім злучацца, каб захаваць мір і спакой у роднай краіне.
Удзельнікі мітынгу выказвалі свае эмоцыі, дружна падтрымліваючы выступаючых: “За Беларусь!”, “За Бацьку!”.
Звяртаючыся да прысутных, старшыня райвыканкама Міхаіл Гулы выказаў ім удзячнасць за актыўную грамадзянскую пазіцыю. Кіраўчане, адзначыў ён, прынялі актыўны ўдзел у выбарах, аддаўшы свае галасы у падтрымку дзеючага дзяржаўнага курсу, па-дзяржаўнаму ацанілі паслявыбарчы перыяд. І тое, што такой актыўнай грамадой прыйшлі на мітынг, каб падтрымаць мір і стабільнасць у нашай краіне, многае значыць!
На плошчу быў вынесены вялікі чырвона-зялёны флаг з беларускім арнаментам. Загучала песня “Малітва” на музыку Уладзіміра Мулявіна. Глыбока краналі душу яе словы: “Малюся я небу, зямлі і прастору, магутнаму Богу – ўсясвету малюсь, ва ўсякай прыгодзе, ва ўсякую пору, за родны народ Беларусі…”. Вялізнай калонай усе рушылі па вуліцах горада, скандуючы “За Беларусь!”.
Фота Максіма МІКЕШЫНА.
Відэа Ігара РУДЗЬКО.