Матэрыяльная база Кіраўскай цэнтральнай райбальніцы папоўнілася важкімі набыткамі

Матэрыяльная база Кіраўскай цэнтральнай райбальніцы папоўнілася важкімі набыткамі

Днямі для калектыву і пацыентаў цэнтральнай раённай бальніцы адбылася важная падзея – матэрыяльная база медустановы папоўнілася важкімі набыткамі – са сродкаў абласнога бюджэту быў закуплены сучасны апарат ультрагукавой дыягностыкі (УЗИ) – вельмі патрэбны і доўгачаканы. Раней набылі аўтамабіль хуткай медыцынскай дапамогі і ліфт у хірургічны корпус.

Набыццё абсталявання для ультрагукавых даследаванняў стала даволі значнай падзеяй для калектыву і пацыентаў медустановы. Апараты, якімі карысталіся дагэтуль, – 2003 і 2009 гадоў выпуску, яны яшчэ – “у страі”, на іх будуць працаваць і далей. Аднак з новым абсталяваннем значна павысіцца дакладнасць даследаванняў. Намеснік галоўнага ўрача ЦРБ Жанна Афонькіна расказала, што апарат дазваляе праводзіць даследаванні на высокім узроўні, валодае сучаснымі праграмнымі і апаратнымі рэсурсамі, дзякуючы чаму спецыяліст можа хутка і якасна рабіць дыягностыку ў любой вобласці: кардыялогіі, гінекалогіі, усіх сасудаў, органаў брушной поласці, шчытападобнай і малочнай залоз. Зараз у райбальніцы працуюць 3 урачы ўльтрагукавой дыягностыкі, на новым апараце ў асноўным праводзіць даследаванні малады спецыяліст Аляксандра Комар (на здымку). Медработнікі адзначаюць, што, дзякуючы новаму абсталяванню з’явілася магчымасць своечасова аказваць пацыентам кваліфікаваную медыцынскую дапамогу.

Амаль кожны з нас хаця б раз у жыцці карыстаўся паслугамі хуткай медыцынскай дапамогі. Ад таго, наколькі аператыўна зрэагуюць медработнікі на выклікі і прыбудуць да пацыента, якому патрэбна дапамога, часам залежыць яго жыццё, таму стан тэхнікі аўтапарка медустановы мае важнае значэнне.
У аддзяленні хуткай медыцынскай дапамогі райбальніцы ў кругласутачным рэжыме працуюць 3 выязныя брыгады, адпаведна, на трох карэтах хуткай дапамогі. У 2019 годзе быў набыты новы аўтамабіль, сёлета – яшчэ адзін коштам 80,5 тыс.рублёў. Машына хуткай дапамогі, створаная на базе аўтамабіля ГАЗ (Газель), адпавядае сучасным патрабаванням, абсталявана неабходнымі, зручнымі прыладамі, вылучаецца павышанай надзейнасцю і функцыянальнасцю.
У хірургічным корпусе райбальніцы ўсталявалі новы ліфт. Будынак корпуса быў пабудаваны 50 год таму. Спачатку для патрэб пацыентаў і медперсанала функцыянавалі 2 ліфты, шэраг апошніх год адзін з іх не дзейнічаў, другім карысталіся вельмі беражліва, ён часта выходзіў са строю. На новым ліфце, кошт якога больш за 110 тыс. рублёў, перавозяць пацыентаў з аперацыйнай у рэанімацыю. Другім, які плануецца ўвесці ў эксплуатацыю ў трэцім квартале бягучага года, будуць карыстацца і пацыенты, і наведвальнікі.

Жанна Афонькіна адзначыла: “За нашы новыя і, без перабольшання, вельмі патрэбныя здабыткі мы ўдзячныя кіраўніцтву Магілёўскага аблвыканкама – за разуменне і значныя грашовыя ўкладанні, раённаму выканаўчаму камітэту – за ўвагу і пастаянную ўсебаковую падтрымку. Дзякуючы праведзенай летась маштабнай рэканструкцыі паліклінічнага аддзялення, рамонту палат на другім паверсе хірургічнага корпуса – па ініцыятыве і з актыўным удзелам сельгасарганізацый раёна, новым папаўненням матэрыяльнай базы ўстановы нашы спецыялісты змогуць аказваць больш якасную кваліфікаваную меддапамогу жыхарам Кіраўшчыны. Усё набытае абсталяванне будзе намі эфектыўна выкарыстоўвацца. Інвестыцыі, якія ўкладаюцца ў здароўе людзей, безумоўна, прыносяць усеагульную карысць”.
Яўгенія БЯЛЬКО.

 

Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».

Последние новости

Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024
Общество

Профсоюзы: защищая и помогая

26 марта 2024
Общество

Порядок завершения осенне-зимнего периода

26 марта 2024
Прямая линия

Прямая телефонная линия

26 марта 2024
Общество

Заседание комиссии

26 марта 2024

Рекомендуем

Актуально

В Кировске состоялось торжественное вручение паспортов

15 марта 2024
Общество

Быть гражданином Республики Беларусь – это большое счастье, высокая честь

15 марта 2024
Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024