Па дадзеных, прадастаўленых райбальніцай, у лютым і сакавіку бягучага года ў раёне нарадзілася 20 малышоў: 8 хлопчыкаў і 12 дзяўчынак.

У лютым сімвал нованароджанага дзіцяці – бусляня – завітаў у 8 сем’яў раёна.
Упершыню стала матуляй Юлія Лявончыкава з Кіраўска, у яе – дачушка. У Алены Арцёмавай з Кіраўска і Лізаветы Манько з Мышкавіч нара­дзіліся сыночкі-першынцы.
Валерыя Быкава з Валосавіч і Вераніка Маслава з Дабрыцы сталі матулямі ў другі раз: у першай – хлопчык, у другой – дачушка.
Мнагадзетнымі маці сталі Таццяна Далгапалец і Наталля Балыка са Скачка, Вольга Кірэева з Хвайніцы, у іх – дачушкі.

У першы веснавы месяц раён папоўніўся 12-цю маленькімі жыхарамі.
Дачушкі-першынцы нарадзіліся ў Таццяны Лазаковіч з Кіраўска і Юліі Ларчанка з Баравіцы. У Надзеі Шыбковай з Кіраўска, Марыны Чэмянцовай з Чыгірынкі першымі дзіцяці сталі сыночкі.
Ірына Бадзяева з Мышкавіч, Юлія Шкрадзюк з Кіраўска, Ганна Чорная з Любоніч нарадзілі па другім дзіцяці – сыночку. У Анастасіі Балдзенка з Кіраўска і Ульяны Навасельцавай з Мышкавіч другімі дзіцяці сталі дачушкі.
Мнагадзетнымі маці сталі Алена Крупнева з Шалаёўкі і Кацярына Будагоўская з Кіраўска, у іх – дачушкі.
Вікторыя Шалабаева з Кіраўска стала матуляй у чацвёрты раз: у яе нарадзілася дачушка.

Віншуем усіх матуль са значнай падзеяй у жыцці і жадаем ім і іх малышам здароўя, сямейнай цеплыні, пяшчоты і дабрабыту!

Фота носіць ілюстрацыйны характар.

Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».