Ваенаслужачыя з Бабруйска правялі заняткі па патрыятычнаму выхаванню ў СШ №1
Выхаванне патрыятызму, пачуцця адказнаці за свае ўчынкі, павага адзін да аднаго, выхаванне грамадзянскай пазіцыі, разуменне службы ў арміі для кожнага маладога чалавека Рэспублікі Беларусь – адны з галоўных крытэрыяў грамадзянска-патрыятычнага выхывання сучасных школьнікаў.
З мэтай павышэння эфектыўнасці ваенна-патрыятычнага выхавання дзяцей і падлеткаў, папулярызацыі вайсковай службы да школьнікаў сярэдняй школы № 1 райцэнтра былі запрошаны цікавыя госці – ваенаслужачыя вайсковай часткі 5527 г.Бабруйска. Аб гэтым расказала намеснік дырэктара па выхаваўчай рабоце СШ №1 Любоў Маркевіч.
Салдаты прывезлі з сабой сучасную зброю і службовых сабак.
Са зброяй пазнаёміліся ўсе прысутныя: госці расказалі, якая зброя зараз знаходзіцца на ўтрыманні Узброеных Сіл Рэспублікі Беларусь, для чаго прымяняецца, што трэба рабіць, каб стаць трапным стралком. Навучэнцы змаглі патрымаць зброю ў руках, распытаць пра яе больш дакладна і нават прыцэліцца і нібыта “трапна стрэліць”.
А затым быў бенефіс сабак. Чацвераногія сябры дакладна выконвалі розныя каманды і пастаўленыя задачы, затрымлівалі “парушальнікаў” і шукалі выбуховыя прылады.
Сустрэча прайшла на “ўра”! І госці, і навучэнцы атрымалі новыя веды, новыя эмоцыі, дамовіліся аб наступных сустрэчах.
Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».