Дарагія ветэраны Вялікай Айчыннай вайны!
Паважаныя жыхары Кіраўшчыны!

Прыміце шчырыя віншаванні з Днём Незалежнасці Рэспублікі Беларусь!
3 ліпеня займае асаблівае месца ў гісторыі дзяржавы, з’яўляецца яркім увасабленнем гераічнага мінулага беларускага народа ў барацьбе за вызваленне Радзімы, сімвалам гераізму, воінскай доблесці і патрыятызму, веры і аптымізму для будучых пакаленняў.
Бяспрыкладны подзвіг народа ў імя Свабоды, Міру і Справядлівасці ніколі не памеркне ў нашай памяці.
Мы ўдзячныя нашым дарагім ветэранам за тое, што, абараніўшы ў кровапралітных бітвах мірнае жыццё, адкрылі шырокія магчымасці для духоўнага развіцця, эканамічнага росту і дабрабыту кожнага грамадзяніна нашай краіны.
Рэспубліка Беларусь прайшла слаўны шлях працы і стварэння. Зараз мы жывем у суверэннай дзяржаве, штодзённай працай уносім свой уклад у яе сацыяльна-эканамічнае развіццё.
Наш абавязак – быць годнымі нашых вялікіх дзядоў і прадзедаў, рабіць усё, каб краіна заставалася моцнай і незалежнай, а жыццё – мірным і шчаслівым.
Дарагія землякі! Хай гэтае свята заўсёды будзе святам гонару за родную краіну, за Кіраўскі край і нашых землякоў! Жадаем моцнага здароўя ўсім жыхарам і гасцям раёна, шчасця, радасці, аптымізму і дабрабыту!
Раённы выканаўчы камітэт.
Раённы Савет дэпутатаў.