Песняры роднай зямлі – да 140-годдзя з дня нараджэння Янкі Купалы і Якуба Коласа

Песняры роднай зямлі – да 140-годдзя з дня нараджэння Янкі Купалы і Якуба Коласа

У кожнага народа ёсць песняры, якія сілай свайго таленту вызначаюць не толькі шляхі развіцця роднай мовы, літаратуры, культуры, але і фарміруюць нацыянальную самасвядомасць, увасабляюць нацыянальную ідэю, даючы мэту і сэнс існавання не аднаму пакаленню. Яны становяцца сімваламі свайго народа. Для беларусаў імі з’яўляюцца Янка Купала і Якуб Колас.
140-годдзе з дня нараджэння абодвух творцаў сёлета шырока адзначаецца па ўсёй краіне, у тым ліку і ў нашым раёне. Цыкл мерапрыемстваў рэалізуецца ў бібліятэчных установах. Разгорнуты кніжныя выставы, выставы-ушанаванні, тэматычныя паліцы: “Песняры роднай зямлі”, “Прамяністае слова майстроў”, “Зямлі вялікай галасы”, “Гонар беларускай нівы” і інш., на якіх прадстаўлены для шырокага кола карыстальнікаў кнігі з фондаў бібліятэк пра жыццё і твор­часць пісьменнікаў, іх творы, артыкулы з перыядычных выданняў, электронныя выданні.
Колас і Купала пранеслi праз усё жыццё высокiя iдэалы гуманiзму, дабра i справядлiвасцi, аддалi народу свой талент, сваю душу. Iх псеўданiмы – з народнага жыцця i фальклору. Яны раскрылi працоўных людзей, паказалi іх характары, выказалі думкі i спадзяваннi, адвечную прагу “людзьмi звацца”.
Купала і Колас нарадзiлiся ў адзiн год. I мэту выбралi для сябе адну. I ўсё жыццё аддана служылі ёй. Можа, таму яны вельмi блiзкiя па сваiх эстэтычных поглядах, грамадскiх iдэалах. Але ж розныя па творчай манеры: у кожнага свой голас, стыль, свой непаўторны жыццёвы шлях, чалавечы характар.
Веліч Янкі Купалы (Іван Дамінікавіч Луцэвіч), яго значэнне не толькі для нацыянальнай літаратуры, але і для культуры іншых народаў даўно прызнана ў свеце. Пясняр роднай зямлі, як называлі Янку Купалу, – нарадзіўся 7 ліпеня 1882 года ў вёсцы Вязынка Маладзечанскага раёна Мінскай вобласці ў сям’і беззямельнага арандатара. Амаль сорак год жыцця прысвяціў служэнню літаратуры. Творчую спадчыну пісьменніка складаюць вершы, паэмы, крытычныя працы, пераклады, п’есы. Купала таксама стаяў ля вытокаў нацыянальнай публіцыстыкі і журналістыкі як самастойнай галіны літаратурнай дзейнасці. Першы ўдастоены звання народнага паэта Беларусі (1925), акадэмік АН Беларусі (1928) і АН Украіны (1929), лаўрэат Дзяржаўнай прэміі СССР (1941).
Янка Купала пражыў няпростае жыццё, поўнае цяжкасцей і выпрабаванняў. Аднак яго высокія якасці як чалавека, грамадзяніна і творцы: сумленнасць, высакароднасць, гуманізм, любоў да свайго народа і Айчыны – раскрыты на высокім мастацкім узроўні, заставаліся нязменнымі і неаспрэчнымі з цягам часу.
Задачу і прызначэнне сапраўднага паэта Янка Купала разумеў як сваю асабістую, адзіную, самую галоўную ў жыцці і творчасці.
Друг i паплечнiк Янкi Купалы – Якуб Колас – паэт, празаiк, драматург, крытык, дзiцячы пiсьменнiк. Імя Якуба Коласа (Канстанцін Міхайлавіч Міцкевіч), народнага паэта Беларусі, двойчы лаўрэата Дзяржаўных прэмій СССР (1946, 1949), акадэміка АН Беларусі (1928), заслужанага дзеяча навукі Беларусі (1944) шырока вядомае ў нашай рэспубліцы і далёка за яе межамі. Нарадзіўся Якуб Колас
3 лістапада 1882 года ў сям’і лесніка. Малая радзіма класіка айчыннай літаратуры – засценак Акінчыцы Мінскага павета (цяпер у межах г.Стоўбцы Мінскай вобласці). Дзіцячыя гады будучага пісьменніка прайшлі ў лесніковых сядзібах Ласток, Альбуць, што непадалёк ад вёскі Мікалаеўшчына, адкуль бацькі былі родам.
Трылогія “На ростанях” Якуба Коласа – адна з цікавейшых вяршынь у творчых пошуках яго, як празаіка, твор канкрэтнай індывідуальнасці. Якуб Колас быў бы вялiкiм паэтам, калi б стварыў толькi адну “Новую зямлю”, якую называюць энцыклапедыяй сялянскага жыцця.
Пра жыццё i творчасць Я. Купалы i Я. Коласа напiсана нямала навуковых даследаванняў, артыкулаў, кнiг. Вобразы славутых беларускiх песняроў хвалююць празаiкаў i драматургаў. Прыцягваюць увагу i ўзаемапрысвячэннi, поўныя шчырай сяброўскай любовi. Янка Купала і Якуб Колас вечна будуць жыць у сэрцы народа.
Мерапрыемствы, якія ладзяцца з нагоды юбілею беларускіх класікаў, ставяць мэту – паказаць усю глыбіню і самабытнасць беларускай культуры, мовы, адлюстраваць хараство беларускага друкаванага слова, выказаць даніну павагі геніяльным творцам слова. Бібліяграфічныя агляды літаратуры, літаратурныя вечары, кампазіцыі, віктарыны, медыягадзіны, гадзіны мастацкага чытання, гасцёўні, вандроўкі, паэтычныя калейдаскопы – у такіх формах бібліятэкары будуць прапагандаваць сярод чытачоў творчасць Янкі Купалы і Якуба Коласа. Падрабязную інфармацыю аб мерапрыемствах вы знойдзеце на сайце ДУК “Сетка бібліятэк Кіраўскага раёна”.
Наталля ХЛАПКОВА, метадыст аддзела бібліятэчнага маркетынгу.

Последние новости

Общество

На вопросы даны компетентные ответы

29 марта 2024
Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

Кировск встречает весну

16 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024