Дзень Перамогі – адно з самых важных і дарагіх для беларусаў святаў. У адпаведнасці з рашэннем Прэзідэнта Рэспублікі Беларусь штогод да Дня Перамогі ветэранам Вялікай Айчыннай вайны і асобам, якія пацярпелі ад наступстваў вайны, выплачваецца матэрыяльная дапамога. Сёлета ў Беларусі выплаты праводзяцца з 25 красавіка па 4 мая.

Праходзяць такія мерапрыемствы і на Кіраўшчыне. Прадстаўнікі мясцовых органаў улады, работнікі паштовай сувязі, спецыялісты сацыяльнай абароны, устаноў адукацыі, БРСМ і іншых грамадскіх арганізацый наведваюць пажылых людзей дома, віншуюць іх з надыходзячым святам – Днём Перамогі і выказваюць ім словы ўдзячнасці за мірнае неба, за самаадданую працу на карысць радзімы.

Былых вязняў фашысцкіх канцлагераў і іншых месцаў прымусовага ўтрымання, якія пражываюць на тэрыторыі Баравіцкага сельсавета, з мэтай вывучэння сацыяльна-бытавых умоў іх жыцця і выплаты ім матэрыяльнай дапамогі, наведалі старшыня сельвыканкама Вераніка Касьміна, прадстаўнікі паштовай сувязі, сацыяльнай абароны, вучні Баравіцкай СШ.
Іна Путранкава, Сафія Лапацінская, Тамара Вашкевіч (на фота) і Аркадзь Пархамовіч былі рады гасцям, дзякавалі за ўвагу і клопат, дапамогу дзяржавы і Прэзідэнта Аляксандра Рыгоравіча Лукашэнкі.

Людзі, якія прайшлі цяжкія жыццёвыя выпрабаванні, адзначалі, што галоўнае сёння для любога беларуса – гэта мір і спакой у нашай краіне, і што мы павінны зберагчы яго для будучых пакаленняў.