У Магілёве 23 снежня падведзены вынікі абласнога конкурсу па прафілактыцы электратраўматызму сярод вучняў.
Арганізатарамі конкурсу выступілі РУП “Магілёўэнерга”, галоўнае ўпраўленне па адукацыі Магілёўскага аблвыканкама і філіял ДУ “Дзяржаўны энергетычны і газавы нагляд” па Магілёўскай вобласці.

Як паведаміў начальнік раённай Энергагазінспекцыі Мікалай РУСЕЦКІ, у раённым этапе конкурсу прыняло ўдзел больш за 40 вучняў школ раёна. Мікалай Пятровіч адзначыў, што ўдзел у такіх конкурсах не толькі дапамагае знізіць рызыку электратраўматызму, але і развівае ў вучняў такія якасці як уважлівасць, дысцыпліна, здольнасць да аналізу і вырашэння розных пытанняў.

У выніку ў малодшай узроставай групе пераможцамі першага этапа конкурсу сталі:
1 месца –
Маргарыта Якавенка,
СШ №2 імя К.П.Арлоўскага;
2 месца – Мікіта Мельнікаў,
Мышкавіцкая СШ;
3 месца –
Сафія Нікіфарава,
СШ №1;
у сярэдняй узроставай групе:
1 месца – Аліса Аўсянік,
Мышкавіцкая СШ;
2 месца –
Анастасія Юхнавец,
Чыгірынская СШ;
3 месца –
Аляксандр Суконка,
Дабаснянская СШ;
у старэйшай узроставай
групе ўсе вучні з СШ №2
імя К.П.Арлоўскага:
1 месца –
Дар’я Садоўская;
2 месца –
Крысціна Фіневіч;
3 месца –
Святлана Райкова.

Конкурс праводзіўся сярод вучняў 2–11 класаў у трох узроставых групах: 7–10, 11–14 і 15–18 гадоў.
Раённы этап конкурсу складаўся з двух частак: вучні, якія занялі першыя тры месцы ў конкурсе малюнкаў і плакатаў, прымалі ўдзел у віктарыне па электрабяспецы.
Па выніках абласнога этапа Маргарыта Якавенка стала пераможцай!
Дзяўчынка не толькі падзялілася ўражаннямі ад удзелу ў конкурсе, але і расказала, што ёй даў год адыходзячы і чаго яна чакае ад года наступнага.
– Ад удзелу ў конкурсе па электратраўматызму я атрымала шмат станоўчых уражанняў. Па-першае, падчас падрыхтоўкі малюнка, а потым да віктарыны, я даведалася шмат новага па гэтай тэме і цяпер атрыманымі ведамі абавязкова буду карыстацца ў паўсядзённым жыцці, а па-другое, я хоць і хвалявалася, было вельмі прыемна заваяваць перамогу і падарункі за яе.
А што мне даў год адыходзячы? Напэўна, як і многім, ён пакінуў шмат успамінаў. Я перайшла ў 5 клас, вучоба стала крыху іншай, бо нас ужо вучаць розныя настаўнікі. Так як я чалавек творчы, то прымала ўдзел у многіх конкурсах і атрымлівала дыпломы. Мне запомнілася экскурсія класам у Магілёў, наведванне Буйніцкага поля. Гэта паездка нас яшчэ больш зблізіла.
Мой старэйшы брат Стас скончыў у 2024 годзе 9 класаў і зараз вучыцца ў Клічаве.
Яшчэ ў гэтым годзе ў мяне з’явіліся 2 любімыя пітомцы – кошкі Мурка і Каліна.
Ад будучага года я чакаю новых уражанняў. Буду старацца добра вучыцца і далей удзельнічаць у розных конкурсах і імкнуцца перамагчы. А галоўнае, хачу, каб у наступным годзе ўсе мае родныя і блізкія былі шчаслівыя і здаровыя і каб над намі было толькі мірнае неба.
А зараз, як і ўсе, мы рыхтуемся да сустрэчы Новага года: упрыгожылі дома ёлку і будуем сямейныя планы на святы.
Падрыхтавала Галіна РУСЕЦКАЯ.