Напярэдадні Новага года і Раства ў Кіраўскім раёне праходзяць шматлікія дабрачынныя акцыі, накіраваныя на падтрымку тых, хто асабліва мае патрэбу ва ўвазе і клопаце.
У рамках акцыі «Ад усёй душы» актывісты раённай арганізацыі ГА «БРСМ» разам з вучнямі СШ №1 і СШ №2 імя К.П.Арлоўскага, а таксама працуючай моладдзю раёна арганізавалі візіт да вязняў канцлагераў Галіны Герасімаўны Русецкай (на фота) і Валянціны Іванаўны Купатавай. Моладзь павіншавала ветэранаў з надыходзячымі святамі, падзялілася цеплынёй сваіх сэрцаў і падарыла ім часцінку радасці.
Дэпутаты Баравіцкага сельскага Савета дэпутатаў сумесна са старастай аграгарадка Баравіца Святланай Вараб’ёвай і жыхарамі вёскі Гарадзец прынялі ўдзел
у дабрачыннай акцыі «Цуды на Раство». Яны перадалі ў раённы камітэт ГА «БРСМ» салодкія сувеніры і сокі для дзяцей, якія маюць патрэбу ў падтрымцы і ўвазе ў гэтыя святочныя дні.
Да гэтай акцыі далучыліся і піянерскія дружыны раёна. Піянеры арганізавалі віншаванне дзяцей, якія знаходзяцца на лячэнні ў Кіраўскай цэнтральнай раённай бальніцы.
Гэтыя добрыя справы дапамагаюць ствараць святочную атмасферу і дарыць цеплыню тым, каму яно так неабходна. Падобныя ініцыятывы ўмацоўваюць дух адзінства і клопату аб блізкіх,
робяць наша жыццё лепшым і святлейшым.