7 студзеня, у дзень Раства Хрыстова, у Барсукоўскім сельскім клубе-бібліятэцы было па-сапраўднаму святочна і весела. Аб гэтым расказала загадчык установы культуры Ніна Гушчына.
Мясцовыя жыхары і нават прыезджыя сабраліся сем’ямі, каб разам адсвяткаваць адно з самых чароўных святаў года. Бабруйчане адчувалі сябе як дома, асабліва дзеці. Бацькі разам з дзецьмі танцавалі, вадзілі карагоды вакол навагодняй ёлкі, вядома ж, з Дзедам Марозам і Снягуркай, спявалі навагоднія песні і чыталі вершы.
Дзеці актыўна ўдзельнічалі ў займальных конкурсах і вясёлых гульнях, а бацькі ў гэты час змаглі пагутарыць, атрымаць асалоду ад утульнай атмасферы і ўспомніць традыцыі Раства.
Сельскі клуб-бібліятэка стаў сапраўдным цэнтрам зносін і радасці для вяскоўцаў і гасцей, дорачы ўсім адчуванне ўтульнасці, цеплыні і адзінства.