Калектыў дзіцячай школы мастацтваў г.Кіраўска прыняў актыўны ўдзел у патрыятычнай акцыі «З песняй да Перамогі!». Мерапрыемства атрымалася цёплым і кранальным, яно аб’яднала юных музыкантаў, мастакоў і выкладчыкаў у выкананні песень ваенных гадоў.
Выканаўцы выбралі творы, якія адлюстроўваюць падзеі Вялікай Айчыннай вайны. Яны гучалі шчыра і пранікліва, напаўняючы сэрцы слухачоў падзякай і павагай да подзвігу нашых продкаў. Кожная музычная кампазіцыя нібы аддавала даніну памяці вялікаму подзвігу герояў, чые бяспрыкладныя адвага і стойкасць дазволілі захаваць свабоду нашай Радзімы.
Гэта акцыя стала своеасаблівай ніткай памяці, злучаючы мінулае і сучаснасць, дазваляючы маладому пакаленню адчуць сувязь часоў.
Акрамя музычнага выканання, былі прадстаўлены творчыя работы юных мастакоў. Дзеці выказалі сваё ўспрыманне Дня Перамогі ў малюнках, падкрэсліўшы важнасць міру і адзінства народа, пачуццё гонару і любові да сваёй краіны.
Акцыя «З песняй да Перамогі!» стала выдатным прыкладам пераемнасці традыцый і выхавання патрыятызму сярод падрастаючага пакалення. Яна ў чарговы раз прадэманстравала адзінства беларусаў у імкненні захаваць памяць аб пакаленні пераможцаў і перадаць яе наступным пакаленням.