Навучэнцы Цэнтра дадатковай адукацыі дзяцей і моладзі прынялі ўдзел у рэспубліканскіх праваслаўных чытаннях.

З паведамленнем “Праваслаўнае краязнаўства: шлях да духоўнасці і маральнасці” выступіла Ганна Зацэпіна (на фота). Яна распавядала аб супрацоўніцтве Цэнтра з праваслаўнымі прыходамі Кіраўшчыны. Таксама на мерапрыемстве пабывалі Серафіма Касцюкевіч і Міхаіл Каранкевіч – актыўныя ўдзельнікі праваслаўных конкурсаў.
Асноўныя мэты рэспубліканскіх краязнаўчых праваслаўных чытанняў – удасканаленне адукацыйнай працы па патрыятычным выхаванні і далучэнне дзяцей да асноў праваслаўнай культуры і каштоўнасцяў.
У праграме было пленарнае пасяджэнне, ускладанне кветак да пахавання мітрапаліта Філарэта, адукацыйна-экскурсійныя мерапрыемствы і мноства цікавых выступленняў і прэзентацый.
Падчас работы секцый «Голас праваслаўных святынь» і «Край, асвечаны верай», былі прэзентаваны вынікі працы навучэнцаў у галіне праваслаўнага краязнаўства.