На чарговай расшыранай аператыўнай нарадзе ў райвыканкаме, якую правёў кіраўнік раённай вертыкалі ўлады У.У.Піскіжаў, быў разгледжаны і абмеркаваны шэраг надзённых пытанняў.
Пачалася планёрка з кадравага пытання — прадстаўлення назначаных кіраўнікоў: ДРБУ-197 — В.С.Токарава, ААТ “Кіраўсквадгас” — А.Л. Сідарава (раённая газета больш падрабязна пазнаёміць з імі ў бліжэйшы час у традыцыйнай рубрыцы “Назначэнні”).
У.У.Піскіжаў праінфармаваў прысутных аб удзеле дэлегацыі раёна ў фестывалі-кірмашы працаўнікоў вёскі “Дажынкі-2011”, і ўсім прыемна было зноў нагадаць пра выдатны поспех раёна і вобласці ў рэспубліканскім спаборніцтве па выніках уборкі ўраджаю збожжавых і зернебабовых культур, якія, як вядома, заваявалі першыя пазіцыі. Старшыня райвыканкама выказаў удзячнасць усім кіраўнікам, а ў іх асобе — працоўным калектывам, якія мелі дачыненне да справы ўборкі ўраджаю ў раёне. Шэраг кіраўнікоў і спецыялістаў будзе адзначаны матэрыяльна — за першае месца раён атрымаў прэмію ў памеры 50 млн. руб.
У ходзе планёркі была дадзена папярэдняя ацэнка выканання прагнозных і мэтавых паказчыкаў сацыяльна-эканамічнага развіцця раёна за студзень — верасень бягучага года. Найбольш падрабязна вынікі работы за 9 месяцаў будуць прааналізаваны на пасяджэнні райвыканкама.
Актуальнае пытанне — сітуацыя на спажывецкім рынку раёна. Выбарачны маніторынг гандлёвых кропак быў праве-дзены аддзелам эканомікі райвыканкама, у ходзе якога не было выяўлена прынцыповых парушэнняў. Але старшыня райвыканкама выказаў уласныя назіранні за становішчам спраў па насычэнні прадпрыемстваў гандлю таварамі і за цэнамі на іх: у некаторых магазінах рай-спажыўтаварыства і прыватных гандлёвых кропках не вытрымліваецца асартыментны пералік тавараў, напрыклад, у продажы толькі 1 ці 2 найменні алею, прычым па высокіх цэнах, і адсутнічае прадукцыя Бабруйскай “Адзярыхі”; няма ў дастатковай колькасці найменняў паўвэн-джаных каўбас, прадукцыі ўласнай вытворчасці райспажыўтаварыства, у прыватнасці, пельменей.
Намеснік старшыні райвыканкама А.А.Пекліна заўважыла, што ў большасці выпадкаў прычына такіх сітуацый — віна загадчыка магазіна: неабходны тавар не заказваецца своечасова і ў патрэбным аб’ёме. У.У. Піскіжаў патрабаваў выпраўлення становішча, а таксама больш мэтанакіраванай работы на патанненне школьнага харчавання, устанаўлення мі-німальнай гандлёвай нацэнкі на агароднінную прадукцыю, якая вырошчваецца ў раёне.
Старшыня райвыканкама даручыў эканамічнай службе райвыканкама правесці маніторынг асобна ўстаноўленых гандлёвых надбавак на прадпрыемствах райспажыўтаварыства і ў камерцыйных гандлёвых кропках.
На парадку дня стаяла пытанне выплаты заработнай платы і матэрыяльнай дапамогі. Адзначалася, што яшчэ не на ўсіх прадпрыемствах розных форм уласнасці выплачана матэрыяльная дапамога работнікам на нарыхтоўку агародніны: неабходна адшукаць магчымасць і аказаць дапамогу людзям.
Пры абмеркаванні сённяшняй сітуацыі па занятасці насельніцтва ўвага кіраўнікоў, якія не забяспечылі выкананне задання па стварэнні рабочых месц, згодна адпаведных раённых мерапрыемстваў, была засяроджана на неабходнасці прадпрыняць усе магчымыя меры: гэта аўтапарк-14, СВК “Рассвет” імя К.П.Арлоўскага, ПМК-255, РАПТЗ і інш.
На аператыўнай нарадзе не было абыдзена ўвагай і такое надзённае пытанне, як падрыхтоўка да ацяпляльнага сезону, якое, падкрэслім, стаіць на кантролі вертыкалі ўлады з моманту завяршэння мінулага ацяпляльнага перыяду. Было пра-аналізавана становішча спраў па ўсіх напрамках падрыхтоўчай работы: рэгістрацыя пашпартоў гатоўнасці суб’ектамі гаспадарання і цеплакрыніц, забеспячэнне палівам арганізацый і насельніцтва. Ішла таксама размова аб пастаноўцы на лінейку гатоўнасці дарожнай і камунальнай тэхнікі.
Былі закрануты пытанні навядзення парадку на зямлі і добраўпарадкавання, заключэння дагавораў на вываз цвёрдых камунальных адходаў (аб гэтым чытайце на 8-й стар. сённяшняга нумара газеты).
Восенню гараджане, па традыцыі, пры неабходнасці прыходзяць на дапамогу сяльчанам ва ўборцы ўраджаю. Летась гэта быў у асноўным лён, сёлета ж ільнозавадчане справіліся з уборкай механізаваным спосабам, а вось багаты ўраджай агародніны выклікаў патрэбу ў дапамозе. Работнікі гарадскіх прадпрыемстваў, арганізацый, устаноў, згодна даведзенага графіка, выязджаюць на палеткі СВК “Рассвет” імя К.П.Арлоў-скага, РУП “Жылічы”, але не ўсе пакуль уносяць істотны ўклад і працуюць з адпаведнай аддачай. Улічваючы магчымае пагаршэнне надвор’е, спраўляцца з уборачнымі работамі неабходна больш хуткімі тэмпамі.

У ходзе чарговай расшыранай аператыўнай нарады ў райвыканкаме былі прааналізаваны вынікі сацыяльна-эканамічнага развіцця раёна за студзень — люты бягучага года. Пры гэтым асноўная ўвага надавалася праблемным пазіцыям. Былі заслуханы тлумачэнні кіраўнікоў прадпрыемстваў, дзе не складваюцца даведзеныя паказчыкі, іх бачанне шляхоў выпраўлення сітуацыі і далейшага развіцця вытворчасці.
Увага кіраўнікоў працоўных калектываў была скіравана на тое, каб больш актыўна прапаноўвалі сваю прадукцыю і паслугі шляхам рэкламы, цесна супрацоўнічалі з таварна-сыравіннай біржай, прадастаўлялі інфармацыю на сайт Нацыянальнага маркетынгавага цэнтра кан’юнктуры цэн.
Пры разглядзе пытання аб выкананні суб’ектамі гаспадарання паказчыка па аказанні бытавых паслуг насельніцтву кіраўніцтвам раёна была пастаўлена задача расшырыць пералік аказваемых паслуг, запатрабаваных жыхарамі горада і раёна, забяспечыць іх належную якасць.
Дырэктар УКП “Бытпаслугі” І.Л.Шаршукова праінфармавала, што іх прадпрыемствам атрыманы сертыфікат на рамонт сотавых тэлефонаў, будзе аказвацца такая паслуга, а таксама па рамонце камп’ютэрнай тэхнікі.
Безумоўна, карысталіся б попытам такія паслугі, як рамонт веласіпедаў, парасонаў, выраб ключоў, заточка інструментаў: упраўленню па працы, занятасці і сацыяльнай абароне райвыканкама даручана арганізаваць абучэнне неабходных спецыялістаў, а УКП “Бытпаслугі” прапрацаваць пытанне па закупу абсталявання.
На кожнай аператыўнай нарадзе на кантролі стаяць пытанні занятасці насельніцтва раёна, узроўню і выплаты заработнай платы ў працоўных калектывах.
Узровень беспрацоўя за два месяцы склаў 1,2%.
Сярэдняя заработная плата, адзначалася на планёрцы, па выніках лютага павінна складаць не менш 300 долараў ЗША ў эквіваленце, а да канца года — 500 долараў. Пакуль планкі 300 долараў не дасягае шэраг арганізацый і прадпрыемстваў: ААТ “Кіраўск-Лён”, райспажыўтаварыства, УКП “Бытпаслугі”, некаторыя сельскагаспадарчыя прадпрыемствы. Ім трэба прадпрыняць неабходныя меры, каб дасягнуць вызначанага ўзроўню сярэдняга заробку.
Аб бягучых справах у галіне будаўніцтва раёна, праблемных пытаннях і іх вырашэнні далажыў начальнік УВП “Упркапбуд” А.М.Семянцоў.
Увага кіраўніцтва ДРБУ-197 была засяроджана на неабходнасці актыўнага правядзення ямачнага рамонту дарог, каб не дапусціць далейшага разбурэння дарожнага пакрыцця, а ўвага ўсіх прысутных — на тым, каб арганізаваць паўсюдную ўборку замацаваных тэрыторый ад смецця, іх добраўпарадкаванне.

Першая ў новым годзе расшыраная аператыўная нарада на чале са старшынёй райвыканкама У.У.Піскіжавым з удзелам кіраўнікоў арганізацый, прадпрыемстваў, устаноў, розных службаў, старшынь сельскіх Саветаў дэпутатаў пачалася з інфармацыі аб значных мерапрыемствах, якія адбудуцца ў раёне ў студзені.
Былі абмеркаваны папярэднія вынікі выканання паказчыкаў сацыяльна-эканамічнага развіцця раёна за 2010 год. Яны дэталёва будуць прааналізаваны на пасяджэнні райвыканкама 19 студзеня.
Аб стане работы сельскагаспадарчых арганізацый раёна ў галіне жывёлагадоўлі падчас зімова-стойлавага перыяду праінфармаваў першы намеснік старшыні райвыканкама, начальнік райсельгасхарчу А.В. Осіпаў. Былі пастаўлены задачы перад галіной па павышэнні вытворчасці прадукцыі і павышэнні яе якасці.
Улічваючы прайшоўшыя нядаўна снегапады, на парадку дня планёркі стаяла пытанне аб стане ўборкі дарог у горадзе і сельскіх населеных пунктах — аб гэтым дакладвалі начальнік ДРБУ-197 В.М.Філіпец і дырэктар УКП “Жылкамгас” Ю.В. Мацюшонак. Адзначалася, што на ўборцы снегу задзейнічана ўся наяўная тэхніка. Некаторыя адзінкі тэхнікі выйшлі са строю і рамантуюцца. Кіраўніцтвам раёна быў зроблены акцэнт на тым, каб пры неабходнасці для ўборкі снегу прыцягвалася прыстасаваная тэхніка арганізацый раёна. Калі снегапады і далей будуць мець месца, адказным службам даручана зрабіць усё неабходнае, каб забяспечыць работу сацыяльна значных аб’ектаў па ўсім раёне. Каб тэхніка працавала бесперабойна, маецца ліміт паліва, які выдзяляецца для сельскіх Саветаў.
Аб праведзенай падрыхтоўчай рабоце па арганізацыі абучэння будаўнічым спецыяльнасцям на базе ліцэя №15 па заяўках суб’ектаў гаспадарання раёна далажыла начальнік упраўлення па працы, занятасці і сацыяльнай абароне райвыканкама Н.В.Свяцецкая.
Аб тым, як прайшлі навагоднія мерапрыемствы, якія мерапрыемствы і спаборніцтвы плануецца правесці на Каляды, праінфармавала намеснік старшыні райвыканкама В.У.Гаршкова (сачыце далей за рэкламай у раённай газеце).
В.У.Гаршкова паведаміла таксама, якая работа арганізавана са школьнікамі падчас зімовых канікулаў. Рабятам не прыходзіцца сумаваць: для іх — цікавыя экскурсіі, навагоднія і калядныя мерапрыемствы, карысны для здароўя адпачынак на лядовых пляцоўках і лыжных трасах. Дарэчы, пакатацца на каньках і лыжах у такую цудоўную зімовую пару не пашкодзіць і любому даросламу: неабходны інвентар маецца ў ДЮСШ, школах, на КПП.

На ўчарашняй расшыранай аператыўнай нарадзе ў райвыканкаме кіраўнік раённай вертыкалі ўлады У.У.Піскіжаў, які з’яўляўся дэлегатам чацвёртага Усебеларускага народнага сходу, засяродзіў увагу прысутных кіраўнікоў працоўных калектываў на стратэгічных задачах і арыенцірах, вызначаных на наступную пяцігодку на народным форуме.
Старшыня райвыканкама зрабіў акцэнт менавіта на тым, якія кардынальныя змены адбудуцца ў рабоце рэгіёнаў, ацэнцы іх дзейнасці на ўзроўні рэспублікі.
Што актуальна для нашага сельскага раёна, у новай пяцігодцы будзе працягвацца рэалізацыя праграмы развіцця вёскі, але новыя аграгарадкі будавацца не будуць: як адзначыў у сваёй прамове на Усебеларускім народным сходзе Прэзідэнт, на працягу 1,5-2 гадоў будзе праводзіцца “шліфоўка” таго, што было зроблена для забеспячэння выканання паказчыкаў мінімальных сацыяльных стандартаў, павышэння камфортнасці жыцця сельскага насельніцтва.
У Кіраўску, і гэта для развіцця горада вельмі важна, падкрэсліў У.У.Піскіжаў, неабходна забяспечыць тэхналагічны прарыў за кошт стварэння прадпрыемстваў, перш за ўсё, на базе існуючых, а таксама новых вытворчасцей, арыентуючыся на арганізацыю выпуску той прадукцыі, якая імпартуецца. Кіраўнік раёна падзяліўся сваім бачаннем вырашэння гэтых задач.
Аддзелу эканомікі даручана прааналізаваць пералік тавараў, якія ўвозяцца з-за мяжы, вытворчасць якіх па сілах асвоіць у раёне, улічваючы магчымасці крэдытавання праз кітайскія крэдытныя лініі, выдзеленыя нашай рэспубліцы, а таксама кадравы, тэхнічны патэнцыял прамысловых і іншых прадпрыемстваў раёна. Няхай адразу гэта будзе 5-10 вытворчасцей, адзначыў старшыня райвыканкама, але неабходна зрабіць першы крок, каб стаць на шлях інавацыйнага развіцця, як нацэльвае ўсіх Кіраўнік нашай дзяржавы.
Будзе распрацоўвацца і пытанне стварэння новых вытворчасцей на базе камунальных прадпрыемстваў: УКП “Жылкамгас”, “Бытпаслугі”.
Адной з важнейшых задач, сугучнай са стварэннем новых прадпрыемстваў, застанецца стварэнне новых рабочых месц.
У новай пяцігодцы будзе стымулявацца працоўная мабільнасць: перасяленне насельніцтва з вялікіх гарадоў, мегаполісу, для чаго ўзрасце будаўніцтва жылля ў рэгіёнах і, як было сказана на сходзе, палова яго будзе будавацца для сацыяльных патрэб.
Для стымулявання працоўнай мабільнасці, паведаміў У.У.Піскіжаў, ужо прынята рашэнне аб павелічэнні надбавак да заработнай платы маладых спецыялістаў, якія прыязджаюць у сельскія населеныя пункты, у бліжэйшы час гэткае ж рашэнне мяркуецца прыняць у дачыненні малых гарадоў, як наш Кіраўск.
Важнейшай задачай развіцця сацыяльнай сферы на сходзе вызначана стварэнне камфортных умоў пражывання насельніцтва. А стратэгічная мэта нашага развіцця — увайсці ў колькасць першых 50 краін свету з найвышэйшым індэксам развіцця чалавечага патэнцыялу. У.У.Піскіжаў нагадаў паказчыкі, якія вызначаць узровень і якасць жыцця чалавека: паўнацэнная сям’я, здароўе, адукацыя, рэальныя даходы і камфортнае жыццё.
Абагульняючы паказчык сацыяльна-эканамічнага развіцця — рост валавога ўнутранага прадукта: значных тэмпаў краіна дасягнула ў мінулай пяцігодцы, на наступную плануецца дасягнуць 162 % — ніжняя планка, 168% — верхняя. Складаная, ам-біцыйная задача, але дзякуючы агульным намаганням яна павінна быць вырашана.
Вельмі важны напрамак дзейнасці — развіццё энергетычнай бяспекі. На Усебеларускім народным сходзе пастаўлена задача пабудаваць у кожным раённым цэнтры цепла-электрастанцыю, а ў цэлым па рэспубліцы 160-170 — з мэтай выкарыстання мясцовых відаў паліва і выпрацоўкі электраэнергіі.
Старшыня райвыканкама спыніўся і на іншых напрамках развіцця рэспублікі, у ліку якіх — стварэнне лякарственнай бяспекі. Застаецца таксама актуальнай работа як па імпартазамяшчэнні, так і нарошчванні экспарту.
А ўвогуле, як адзначыў У.У.Піскіжаў, чацвёрты Усебеларускі народны сход прайшоў нефармальна, кожны ўдзельнік меў магчымасць выказаць сваю пазіцыю, задаць пытанне. На форуме панаваў дзелавы настрой, дэлегаты прыехалі з гатоўнасцю працаваць і прымаць важныя для далейшага развіцця нашай краіны рашэнні.
Згодна зацверджанага старшынёй райвыканкама графіка, дэлегаты чацвёртага Усебеларускага народнага сходу выступаюць у працоўных калектывах раёна, даносяць рашэнні народнага веча да ўсіх працаўнікоў і жыхароў Кіраўшчыны.
У ходзе аператыўнай нарады ў райвыканкаме былі разгледжаны актуальныя для раёна пытанні: аб ходзе выбарчай кампаніі па выбарах Прэзідэнта Рэспублікі Беларусь; аб памерах і своечасовай выплаце заработнай платы ў працоўных калектывах; аб стане спраў у галіне жывёлагадоўлі і іншыя.
Зусім мала часу засталося да Новага года, таму на планёрцы было ўзнята пытанне падрыхтоўкі да гэтага чакаемага ўсімі свята: правядзення дабрачынных акцый, упрыгожвання адміністрацыйных будынкаў, аб’ектаў, наладжвання культурных мерапрыемстваў і змястоўнага спартыўнага адпачынку.

Учарашняя расшыраная аператыўная нарада ў райвыканкаме пачалася з віншавання ў адрас першага намесніка старшыні райвыканкама, начальніка райсельгасхарчу В.А.Захарэнкі: Прэзідэнтам Рэспублікі Беларусь 3 верасня дадзена згода на назначэнне яго на пасаду старшыні Клімавіцкага райвыканкама. Кіраўнік раённай вертыкалі ўлады У.У. Піскіжаў падзякаваў В.А.Захарэнку за добрасумленную працу па развіцці аграпрамысловага комплексу раёна і ўручыў Ганаровую грамату райвыканкама.
Прысутным быў прадстаўлены новы начальнік райаддзела па надзвычайных сітуацыях — Д.А. Рошчын (больш падрабязна аб новым назначэнні — у бліжэйшых нумарах газеты).
Начальнік аддзела арганізацыйна-кадравай работы райвыканкама Н.П.Суравец пазнаёміла ўдзельнікаў аператыўнай нарады з найбольш значнымі мерапрыемствамі, якія плануюцца да правядзення ў раёне на працягу верасня.
У ходзе планёркі ішла размова аб чакаемым выкананні прагнозных і мэтавых паказчыкаў сацыяльна-эканамічнага развіцця раёна за 8 месяцаў гэтага года, была засяроджана ўвага кіраўнікоў на тых пазіцыях, па якіх недапрацавалі.
Адставанне па вытворчасці валавой прадукцыі сельскай гаспадаркі вынікамі работы раслінаводчай галіны кампенсаваць не ўдалося з-за недабору збожжа, таму ўсе намаганні, як адзначалася на нарадзе, трэба накіраваць на эфектыўную работу ў жывёлагадоўлі: ужо зараз маецца запас кармоў для грамадскага статка на 1,5 года, яго папоўніць ураджай кукурузы, такім чынам, з добрай кармавой базай пры захаванні тэхналагічных прыёмаў можна вынікова працаваць.
Сяўба азімых павінна быць праведзена ў аптымальныя тэрміны і завершана да 25 верасня.
Не за гарамі ацяпляльны сезон: як на сённяшні дзень падрыхтаваны да яго кацельні, жыллёвы фонд, арганізацыі, было прааналізавана ў ходзе планёркі, а таксама вызначана, што неабходна яшчэ зрабіць, каб сустрэць халады ў поўнай гатоўнасці.
Выкананне заданняў па росту заработнай платы, занятасць насельніцтва — гэтыя пытанні знаходзяцца пад пастаяннай увагай вертыкалі ўлады і стаяць на парадку дня кожнай аператыўнай нарады з улікам вынікаў чарговага прайшоўшага месяца. Асаблівая ўвага на гэты раз была звернута на арганізацыі, узровень заработнай платы ў якіх не дасягае 250 долараў ЗША ў эквіваленце.
Аб стане работы па ўводу аб’ектаў аграгарадка Скрыпліца, які неабходна здаць да пачатку снежня, праінфармаваў намеснік старшыні райвыканкама Я.У.Арэшка.
Было таксама разгледжана пытанне аб перадачы невыкарыстоўваемых зямельных участкаў: сельвыканкамы і сельгасарганізацыі павінны ў верасні закончыць гэтую работу. Старшыня райвыканкама канстатаваў, што зямельныя ўчасткі, якія мяжуюць з сельгасугоддзямі, прыдатныя для сельгасвытворчасці, дзе маецца магчымасць работы сельскагаспадарчай тэхнікі, павінны быць абавязкова перададзены сельгасарганізацыям.
У горадзе праведзена інвентарызацыя ўчасткаў, на якіх згарэлі домаўладанні, будзе вырашацца далейшы іх лёс.
У зоне ўвагі раённай улады было і пытанне аб ходзе работ на гарадскім рынку: да 15 верасня тут плануецца завяршыць заліўку падмурка з тым, каб распачаць мантаж першага раду павільёнаў.