Разам — за моцную і квітнеючую Беларусь!

22-23 чэрвеня ў Мінску пройдзе пяты Усебеларускі народны сход. На абмеркаванне выносяцца пытанні аб выніках рэалізацыі Праграмы сацыяльна-эканамічнага развіцця Рэспублікі Беларусь за 2011-2015 гады і аб асноўных палажэннях Праграмы сацыяльна-эканамічнага развіцця Рэспублікі Беларусь на 2016-2020 гады.
Чакаецца, што ўдзельнікамі мерапрыемства стануць 2,5 тыс. чалавек.
Усебеларускі народны сход з’яўляецца адной з важнейшых форм народаўладдзя і гарантам сацыяльна-палітычнай стабільнасці ў рэспубліцы.
Магілёўшчыну на пятым Усебеларускім народным сходзе прадставяць 350 чалавек, у тым ліку і дэлегацыя нашага раёна ў саставе: Арцюховай Таццяны Віктараўны, загадчыка ясляў-садка №4 г.Кіраўска; Багеля Аляксандра Іванавіча, старшыні СВК “Рассвет” імя К.П.Арлоўскага; Бутарава Аляксандра Міхайлавіча, старшыні раённага выканаўчага камітэта; Варацілкінай Алены Іванаўны, галоўнага інжынера ДРБУ-197; Круцько Алены Аляксееўны, члена Савета Рэспублікі Нацыянальнага сходу Рэспублікі Беларусь, галоўнага ўрача райбальніцы; Петранкова Аляксандра Сяргеевіча, трактарыста-машыніста СВК “Калгас “Ніва”; Палянскай Алены Уладзіміраўны, кандытара райспажыўтаварыства.

Фота зроблена ў райвыканкаме падчас ад’езду нашай дэлегацыі ў Мінск.