У Магілёве адбыўся традыцыйны асабіста-камандны турнір абласнога ўпраўлення МНС па настольным тэнісе.

Спаборніцтвы сабралі спартсменаў з усіх рэгіёнаў вобласці і сталі чарговай магчымасцю прадэманстраваць не толькі спартыўнае майстэрства, але і камандны дух, вытрымку і імкненне да перамогі.
Удзел у турніры прынялі 23 каманды, якія прадстаўлялі розныя рэгіёны вобласці. Удзельнікаў чакалі напружаныя сустрэчы, дзе кожны розыгрыш патрабаваў максімальнай канцэнтрацыі, дакладнасці і хуткасці рэакцыі.
Годна прадставіла свой раён каманда Кіраўскага РАНС. Па выніках спаборніцтваў у камандным першынстве ў другой групе яна паказала выдатны вынік і заваявала 1-е месца!
Не менш паспяхова кіраўчане выступілі і ў асабістым заліку. У індывідуальных спаборніцтвах у другой групе 1-е месца заняў Антон Русецкі, намеснік начальніка РАНС. Яшчэ адзін прадстаўнік каманды – Сяргей Храмовіч, старшы інструктар-выратавальнік ПАВП-11 РАНС, – прадэманстраваў упэўненую гульню і стаў бронзавым прызёрам.

Пераможцы ўзнагароджаны памятным кубкам, медалямі і дыпломамі, а галоўным вынікам турніру стаў зарад бадзёрасці і выдатнага настрою.

Галіна РУСЕЦКАЯ.