Іван БУДНІКАЎ,
Скрыпліцкая СШ
Заўсёды настойліва дабіваецца намечанай мэты — толькі наперад! Любую распачатую справу даводзіць да канца.
Марыць стаць спецыялістам у сферы камп’ютарных тэхналогій. Іван — рознабакова развітая натура, захапляецца спортам.

Ганна БЕЛАГЛАЗАВА,
Скрыпліцкая СШ
Неаднаразова прымала ўдзел у раённых і абласных алімпіядах, конкурсах, спартыўных мерапрыемствах. Была ўзнагароджана дыпломамі: I ступені на раённай алімпіядзе па абслугоўваючай працы, III ступені на абласных Алімпійскіх днях моладзі сярод дзяўчат.
У саставе жаночай каманды па футболе “Бабруйчанка” выступала на рэспубліканскім чэмпіянаце.
Жыццёвае крэда: “Узнімаючыся на новыя ступені і вяршыні жыцця, ніколі не забывай тых людзей, хто быў з табой на папярэдніх”.

Ала ШАШАНКА,
Скрыпліцкая СШ
Неаднаразова з’яўлялася пераможцай раённай алімпіяды па біялогіі. Прымала актыўны ўдзел у грамадскім жыцці школы. З’яўлялася старшынёй савета піянерскай дружыны імя А.Гайдара, сакратаром пярвічнай арганізацыі ГА “БРСМ”.
Узнагароджана дыпломам за ўдзел у раённым конкурсе “Лідар года-2016”.
Захапляецца садаводствам, бісерапляценнем, музыкай.
Марыць працаваць у сферы пажарнай бяспекі.
Жыццёвае крэда: “Няхай я іду не спяшаючыся, затое я ніколі не рухаюся назад”.

Крысціна ГАЙДУК,
Паўлавіцкая СШ
імя Р.А.Худалеева
Вучаніца высокіх інтэлектуальных здольнасцей. Выхаваная, тактоўная, сціплая, праўдзівая са старэйшымі і равеснікамі. Цікаўная і абаяльная.
Прызёр абласных і раённых творчых конкурсаў і праектаў.
Актыўная ўдзельніца і неаднаразовая пераможца і прызёр раённых, абласных і рэспубліканскіх спартыўных спаборніцтваў “Снежны снайпер”, зімовага і летняга мнагаборства “Здароўе”.
Вызначальнымі рысамі характару Крысціны з’яўляюцца адказнасць, таварыскасць, дакладнасць і ахайнасць у справах.
Шмат чытае, можа падтрымаць гутарку на любую тэму. Аддае перавагу хіміі і біялогіі. Любіць дзяцей.
Марыць звязаць сваё жыццё з прафесіяй педагога.

Анастасія ЛЫБЗІКАВА, гімназія г.Кіраўска
Пераможца раённых алімпіяд па рускай мове і літаратуры, беларускай мове і літаратуры, хіміі, раённага конкурсу доследных работ па вучэбных прадметах.
Пераможца абласных этапаў рэспубліканскага творчага праекта “Бяспечны пераход”, рэспубліканскага агляду-конкурсу дзіцячай творчасці “Добры дзень, свет!”, абласнога фестывалю ўстаноў дадатковай адукацыі “Віват, Імперыя дзяцінства!”, абласнога конкурсу навукова-тэхнічнай творчасці вучняў “ТэхнаІнтэлект”.
Дыпламант рэспубліканскага конкурсу “Я родным краем ганаруся” ў намінацыі “Невычэрпныя крыніцы гісторыі”, пераможца рэспубліканскага конкурсу тэатраў мод у межах рэспубліканскага конкурсу “Юныя таленты Беларусі”. Лаўрэат 1 і 3 ступеняў міжнароднага творчага фестывалю “Хваля ідэй” у Балгарыі.