Як толькі ў СВК “Рассвет” імя К.П.Арлоўскага было завершана жніво, механізатары адразу ж прыступілі да абмалоту збожжавых культур на ўчастках асабістых падсобных гаспадарак грамадзян.
Учора ў другой палове дня наш фотакарэспандэнт заспеў момант, калі рассветаўскі камбайн, якім кіраваў экіпаж братоў Ігара і Віталя Жэлдакаў, абмалацілі ўчастак у 25 сотак, дзе расла пшаніца, для Івана Андрэевіча Шчарбялёва. Гаспадар задаволены зробленай работай!
Дарэчы, абмалаціць адну сотку для членаў сельгаскааператыва каштуе 2 рублі, для пабочных асоб — 4 рублі.
У хуткім часе аказаннем дапамогі сяльчанам зоймуцца і іншыя сельгасарганізацыі раёна.
Фота Максіма МІКЕШЫНА.