Пад такой назвай у Беларусі з 8 па 31 кастрычніка пройдзе дабрачынная акцыя па пасадцы лесу на тэрыторыях, якія сёлета найбольш пацярпелі ад ліпеньскіх ураганаў. Дарэчы, разбурэнні, атрыманыя лясной гаспадаркай, — самыя маштабныя: было пашкоджана больш за 4 млн. кубаметраў драўніны на плошчы амаль 12,8 тыс. га.
У бліжэйшы час будуць вызначаны ўчасткі для пасадак, лясніцтвы падрыхтуюць пасадачны матэрыял і прылады працы. Рэгістрацыя ўдзельнікаў дабрачыннай акцыі пачнецца з 5 кастрычніка. Прыняць удзел у гэтай добрай справе можа любы жадаючы.
Толькі разам нам па сілах аднавіць беларускія лясы, каб потым перадаць гэтае багацце нашым нашчадкам!