Кіраўчане забіваюць за зборную Беларусі
Знаходзячыся на зборах у Баку, нацыянальная зборная Беларусі па пляжным футболе правяла дзве таварыскія сустрэчы з гаспадарамі — зборнай Азербайджана.
Нагадаем, што ў састаў галоўнай каманды нашай краіны ўключаны адразу чацвёра кіраўчан. У першым паядынку беларусы атрымалі перамогу 5:4. Два галы ў саставе беларусаў правёў Арцемій Дрозд.
І ў другой таварыскай сустрэчы з камандай Азербайджана мацнейшымі аказаліся беларусы. Асноўны час матча завяршыўся ўнічыю 4:4. Адзін з галоў у вароты гаспадароў забіў Вадзім Бокач. У серыі пенальці прадстаўнікі Сінявокай узялі верх. Дакладным ударам у ліку іншых вызначыўся яшчэ адзін наш зямляк — Арцемій Дрозд.