На Магілёўшчыне ў межах праводзімага ўпраўленнем унутраных спраў аблвыканкама конкурсу вызначаны лепшыя саветы грамадскага пункта аховы правапарадку. У тройцы лідараў — савет ГПАП, які створаны і працуе пры Баравіцкім сельскім Савеце дэпутатаў. Яго старшыня, дэпутат мясцовага сельвыканкама Алена Пашкевіч, якая курыруе работу ГПАП, узнагароджана дыпломам ІІІ ступені.

Цырымонія ўзнагароджвання, якую правёў начальнік УУС аблвыканкама Аляксандр Кавальчук, адбылася ў г.Магілёве на нарадзе па пытаннях удасканалення работы грамадскіх аб’яднанняў па прафілактыцы правапарушэнняў.
Як адзначыла ў размове з карэспандэнтам “раёнкі” Алена Пашкевіч, падчас прайшоўшага мерапрыемства адзначалася, што дзякуючы адказнай рабоце членаў саветаў ГПАП вя­дзецца мэтанакіраваная і планамерная работа па рэалізацыі патрабаванняў Дэкрэта Прэзідэнта Рэспублікі Беларусь №18 “Аб дадатковых мерах па дзяржаўнай абароне дзяцей у няўдачных сем’ях”, прымаюцца меры па стварэнні бяспечных умоў пражывання пажылых грамадзян, выяўляюцца і папярэджваюцца правапарушэнні ў сферы незаконнага абароту алкагольнай прадукцыі. Своечасовае рэагаванне на супрацьпраўныя дзеянні асобных грамадзян, прыняцце грамадскіх або адміністрацыйных мер да такіх асоб дазваляе кантраляваць крымінагеннае становішча на адміністрацыйным участку.
Нярэдка разгляд правапарушальнікаў на пасяджэннях саветаў ГПАП аказвае моцны ўплыў на такіх грамадзян, многія пераглядаюць свой лад жыцця, працаўладкоўваюцца, прадпрымаюць намаганні па вяртанні дзяцей у сем’і.
Супрацоўнікі міліцыі сумесна з членамі ГПАП дапамагаюць грама­дзянам знайсці работу, наладзіць побыт, стаць на шлях выпраўленя. Калі ж право­дзімая работа не прымушае грамадзяніна перагледзець свае асацыяльныя паводзіны, упаўнаважаныя могуць прымяніць меры адміністрацыйнага ўз-
дзеяння, у тым ліку накіраваўшы парушальніка грамадскага спакою ў ЛПП.
На пасяджэннях саветаў ГПАП разглядаюцца канкрэтныя практычныя задачы, што дае станоўчы эфект у прафілактыцы правапарушэнняў і барацьбе са злачыннасцю.
Людміла СЯМЁНАВА. Фота аўтара.