На мэтавай пляцоўцы раёна, якая мае напрамак работы ідэалагічнага забеспячэння развіцця сяла, у Кіраўскім раёне адбылася чарговая стажыроўка ідэалагічных кадраў вобласці. Праграма была цікавай і насычанай.

Стажоры наведалі цэнтральную бібліятэку, дзе ім была прадстаўлена прэзентацыя “Аб рабоце інфармацыйна-ідэалагічнага цэнтра ў межах важнейшых грамадска-палітычных падзей”.

Даведаліся яны таксама пра работу раённага Дома культуры з насельніцтвам у сельскай мясцовасці.

Цікавасць выклікала наведванне пакою дружбы Кіраўскага раёна і Белгародскага раёна Расійскай Федэрацыі.

У цэнтры вольнага часу ішла размова аб рабоце па фарміраванні культуры адпачынку моладзі.

У рэдакцыі раённай газеты “Кіравец” вялася гаворка аб дзейнасці па асвятленні сацыяльна-эканамічнага развіцця сельскіх тэрыторый. Госци пазнаёміліся з нумарамі газет, задалі пытанні, атрымалі адказы.

Свае таленты і здольнасці прадэманстравалі ўдзельнікам вучні дзіцячай школы мастацтваў г.Кіраўска.

Удзельнікі стажыроўкі далей пазнаёміліся з аграгарадком Мышкавічы, даведаліся пра тое, як арганізавана ідэалагічная работа фарміраванне здаровага ладу жыцця ў працрўным калектыве ААТ “Рассвет імя К.П.Арлоўскага” начальнік ідэалагічнага аддзела гаспадаркі Яўген Пішчалін.

У Мышкавіцкім СДК гаварылі аб стварэнні ўмоў для ўсебаковага развіцця асобы ў сельскай мясцовасці. Адбылася экскурсія па музею “Рассвета”.

Госці таксама пабывалі ў аграгарадку Жылічы.  

Больш падрабязна чытайце ў бліжэйшых нумарах “Кіраўца”.