Раённая газета “Кіравец” увайшла ў лік пераможцаў Рэспубліканскага конкурсу сярод журналістаў і сродкаў масавай інфармацыі на лепшае асвятленне пытанняў міжнацыянальных і міжканфесіянальных адносін, міжкультурнага дыялогу ў краіне і супрацоўніцтва з суайчыннікамі за мяжой, арганізатарамі якога з’яўляюцца Упаўнаважаны па справах рэлігій і нацыя­нальнасцей і Міністэрства інфармацыі Рэспублікі Беларусь.

Цырымонія ўзнагароджвання адбылася ў межах правядзення XII Фестывалю нацыянальных культур у г.Гродна.
Узнагароды прадстаўнікам СМІ былі ўручаны ў Сенатарскай зале Гродзенскага гісторыка-археалагічнага музея. У цырымоніі прымалі
ўдзел намеснік кіраўніка Адміністрацыі Прэзідэнта Рэспублікі Беларусь Ула­дзімір Жаўняк, Упаўнаважаны па справах рэлігій і нацыянальнасцей Рэспублікі Беларусь Леанід Гуляка, міністр культуры Рэспублікі Беларусь Юрый Бондар і іншыя ганаровыя госці.
Дыплом за высокапрафесійнае асвятленне пытанняў міжнацыянальных і міжканфесіянальных адносін, міжкультурнага дыялогу ў краіне і супрацоў­ніцтва з суайчыннікамі за мяжой і спецыяльны прыз у ліку іншых пераможцаў конкурсу ўручыў галоўнаму рэдактару раённай газеты “Кіравец” Наталлі Хадаковай Упаўнаважаны па справах рэлігій і нацыя­нальнасцей Рэс­публікі Беларусь Леанід Гуляка.
У сваёй прамове ён асабліва падкрэсліў важ­насць міжканфесіянальнага і этнічнага міру, які пануе ў Беларусі дзякуючы пастаяннай увазе да гэтых пытанняў кіраў­ніцтва краіны, а таксама на іншых узроўнях.
Усе, хто быў запрошаны на цырымонію ўзнагароджвання, мелі магчымасць прыняць удзел у мерапрыемствах праграмы XII Фестывалю нацыянальных культур, адчуць цудоўную атмасферу гэтага свята, наведаць шматлікія падвор’і, выставы прыкладной творчасці, канцэртныя пляцоўкі.
Наталля ХАДАКОВА.
На здымках: Упаўнаважаны па справах рэлігій і нацыянальнасцей Рэс­публікі Беларусь Леа­нід Гуляка ўручае Дыплом і спецыяльны прыз галоўнаму рэдактару раённай газеты «Кіравец» Наталлі Хадаковай; прысутных вітае начальнік інфармацыйна-аналітычнага ўпраўлення Міністэрства інфармацыі Таццяна Хмель; памятныя моманты ХІІ Фестывалю нацыянальных культур.