У бягучым годзе пытанням мадэрнізацыі ў нашым раёне надаецца значная ўвага. Бо гэты працэс — не проста тэхнічнае і тэхналагічнае перааснашчэнне вытворчых магутнасцей, гэта — сацыяльна-эканамічнае заўтра, ад якога залежыць канкурэнтаздольнасць прадукцыі, прадукцыйнасць працы і, канешне ж, заработная плата.Работы па мадэрнізацыі вытворчасці і ўкараненні новых відаў аказваемых паслуг вядуцца ў ПМК-255. Прадпрыемства ўжо ўвасобіла ў жыццё шэраг пунктаў плана мадэрнізацыі, разлічанага да 2015 года. Адным з іх стала наладжванне вытворчасці блок-хаўса, які выкарыстоўваецца пры дэкаратыўным аздабленні будынкаў і памяшканняў як знутры, так і з вонкавага выгляду.
Ажыццявіць яго выпуск ПМК-255 дазволіла набыццё і ўстаноўка на дзейнічаючы чатырохбаковы прадольна-фрэзерны станок для вытворчасці прафіляваных дэталяў з драўніны, дадатковай фрэзы.
Зараз на гэтым станку ажыццяўляецца выпуск вагонкі, дошкі для падлогі,  блок-хаўса, плінтуса, ліштвы і інш.
У цэху дрэваапрацоўкі шчыруюць два спецыялісты-станочнікі Аляксандр Мішчанкоў і Уладзімір Чарнякоў. За змену яны вырабляюць каля 4-5 кубаметраў вырабаў з драўніны. Перад вытворчасцю піламатэрыялаў уся сыравіна праходзіць працэс сушкі, таму атрымліваецца выдатнай якасці.
Як адзначыў падчас размовы майстар цэха дрэваапрацоўкі Сяргей Казлоў, вырабы з драўніны заўсёды былі і застаюцца вельмі запатрабаванымі ў насельніцтва. Акрамя таго, прадпрыемства пры правядзенні будаўнічых і аддзелачных работ поўнасцю забяспечана драўлянай прадукцыяй уласнай вытворчасці.
Зрабіць заказ на выраб прадукцыі з драўніны можна як з уласнай сыравіны, так і з матэрыялу ПМК-255. Акрамя таго, ёсць магчымасць адразу набыць гатовую прадукцыю, якая прапануецца ў магазіне прадпрыемства, які адкрыты ў будынку былой прахадной. Пры жаданні заказчыка спецыялісты могуць апрацаваць вырабы з драўніны антысептыкам, што значна павялічыць тэрмін іх службы.
Людміла СЯМЁНАВА.
Фота Максіма МІКЕШЫНА.