Парадак і ўмовы аказання сацыяльных паслуг
Дзейнасць аддзялення сацыяльнай дапамогі на даму раённага цэнтра сацыяльнага абслугоўвання насельніцтва ажыццяўляецца ў адпаведнасці з Пастановамі Савета Міністраў і Міністэрства працы і сацыяльнай абароны Рэспублікі Беларусь. Сацыяльныя паслугі грамадзянам аказваюцца на ўмовах частковай, поўнай аплаты і бясплатна.
Атрымліваць сацыяльныя паслугі на даму бясплатна маюць права ветэраны Вялікай Айчыннай вайны і малазабяспечаныя адзінокія непрацаздольныя грамадзяне.
На ўмовах частковай аплаты — адзінокія непрацаздольныя грамадзяне альбо сем’і, сярэднедушавы даход якіх не перавышае 200% бюджэта пражытачнага мінімума. Памер частковай аплаты для непрацаздольнага грамадзяніна складае 60% тарыфа на сацыяльныя паслугі, для непрацаздольнай сям’і — 50% для кожнага члена сям’і.
На ўмовах поўнай аплаты абслугоўваюцца непрацаздольныя грама-дзяне альбо сем’і, акрамя адзінокіх грамадзян. Для непрацаздольнага грамадзяніна памер аплаты складае 100% тарыфу на сацыяльныя паслугі, для непрацаздольнай сям’і — 80% для кожнага члена сям’і.
Па сацыяльным статусе грамадзяне і сем’і падраздзяляюцца на: малазабяспечаных, непрацаздольных, адзінокіх непрацаздольных і непрацаздольная сям’я.
Да малазабяспечаных грамадзян (сем’яў) адносяцца грамадзяне, якія па аб’ектыўных прычынах маюць сярэднедушавы даход ніжэй бюджэту пражытачнага мінімуму ў сярэднім на душу насельніцтва, дзеючага на дату падачы заявы аб аказанні сацыяльных паслуг.
Непрацаздольны грамадзянін — інвалід І ці ІІ групы; непрацуючы, дасягнуўшы 60-гадовага ўзросту; дзіця ва ўзросце да 18 гадоў.
Непрацаздольная сям’я — сумесна пражываючыя непрацаздольныя грамадзяне, звязаныя паміж сабой маральнай і матэрыяльнай супольнасцю і падтрымкай, вядзеннем агульнай гаспадаркі, правамі і абавязкамі, выцякаючымі са шлюбу, блізкай роднасці, усынаўлення.
Адзінокі непрацаздольны грамадзянін — не маючы непаўналетніх дзяцей, мужа ці жонку, бацькоў, які не з’яўляюецца інвалідам І ці ІІ групы, не дасягнуўшы ўзросту, даючага права на пенсію па ўзросце на агульных умовах, не маючы іншых фізічных ці юрыдычных асоб, з якімі заключаны дагавор рэнты з прадастаўленнем сродкаў на ўтрыманне ці дагавор пажыццёвага ўтрымання.
Маргарыта
ГІРАЕЎСКАЯ,
загадчык аддзялення
сацыяльнай дапамогі на даму РЦСАН.