Для дасягнення эфектыўнага росту эканомікі
Спаўняецца 95 гадоў з дня ўтварэння фінансавай сістэмы рэспублікі.
Фінансавая сістэма нашай дзяржавы будуецца на прынцыпах незалежнасці, публічнасці, самафінансавання, забеспячэння сацыяльнай справядлівасці. Згодна Канстытуцыі Рэспублікі Беларусь фінасава-крэдытная сістэма краіны ўключае бюджэтную сістэму, банкаўскую, а таксама фінансавыя сродкі пазабюджэтных фондаў, прадпрыемстваў, устаноў, арганізацый і грамадзян. На тэрыторыі рэспублікі праводзіцца адзіная бюджэтна-фінансавая, падатковая, грашова-крэдытная, валютная палітыка.
Станаўленне фінансавай сістэмы праходзіла ў складаных абставінах. 1 студзеня 1919 года быў абнародаваны Маніфест аб стварэнні Беларускай Савецкай Сацыялістычнай Рэспублікі. 7 студзеня пастановай Часовага рабоча-сялянскага ўраду БССР засноўваецца Камісарыят фінансаў рэспублікі, які паклаў пачатак нацыянальным органам кіравання фінансавай сістэмай.
Сёння фінансавая сістэма краіны — гэта вялікая структура, пабудаваная па міжнародных стандартах з улікам спецыфікі эканомікі нашай дзяржавы. Перад ёй стаіць задача стварэння ўсіх неабходных умоў для дасягнення эфектыўнага росту эканомікі рэспублікі і на гэтай аснове галоўнай сацыяльнай мэты — павышэння ўзроўню жыцця людзей.
Паспяхова выконвае ўскладзеныя на яго задачы зладжаны калектыў фінансавага аддзела Кіраўскага райвыканкама. Дакладна вядзецца ўлік паступлення сродкаў у бюджэт раёна і яго выкананне.
На здымку (злева направа): галоўны эканаміст Святлана Дзямешка, намеснік начальніка Аксана Дваракоўская, эканаміст Аксана Пігулеўская, начальнік фінансавага аддзела Галіна Шупікава, галоўны эканаміст Раіса Куляўцова, галоўны бухгалтар Людміла Даманнікава.