Раённая газета не аднойчы расказвала сваім чытачам аб поспехах на алімпіядах па абслугоўваючай працы  раённага, абласнога і рэспубліканскага ўзроўняў вучаніц СШ №1 Марыны Заркевіч і Юліі Багданавай пад кіраўніцтвам настаўніцы А.У.Пархамовіч.
Летась Марына Заркевіч, пераможца заключнага этапа рэспубліканскай алімпіяды па агульнаадукацыйных прадметах, была ўзнагароджана другой прэміяй Спецыяльнага фонду Прэзідэнта Рэспублікі Беларусь па сацыяльнай падтрымцы адораных вучняў і студэнтаў. Трэцяй прэміяй гэтага  фонду была ўзнагароджана яе настаўніца А.У.Пархамовіч за асаблівы ўклад у развіццё здольнасцей адораных вучняў.
Сваё “зорнае” шэсце Марына Заркевіч пад кіраў-ніцтвам выкладчыцы працягвае і ў бягучым годзе. Па выніках трэцяга абласнога этапа рэспубліканскай алімпіяды па абслугоўваючай працы адзінаццаці-класніца СШ №1 заняла першае месца, на другім месцы — дзесяцікласніца Юлія Багданава. ‘
З дыпломамі 3-й ступені вярнуліся з абласной   алімпіяды вучань гімназіі Віктар Іваніцкі (інфарматыка) і вучаніца Мышкавіцкай СШ Марыя Шапавалава (замежная мова).
Няхай поспехі вучняў нашага раёна толькі прымнажаюцца!