Трэці год запар, Кіраўская раённая ветэрынарная станцыя святкавала перамогу ў абласным конкурсе сярод валаўтваральных раёнаў. Калектыў ветстанцыі адзначаны Кубкам і дыпломам аддзела ветэрынарыі камітэта па сельскай гаспадарцы і харчаванні Магілёўскага аблвыканкама.
Дасягнуць такіх вынікаў ветспецыялістам удалося дзякуючы выкананню плана прафілактычных мерапрыемстваў і захаванню БРЖ ад невытворчага выбыцця ў сельгасарганізацыях раёна.
Як адзначыў у размове начальнік райветстанцыі Мікалай Маслаў, галоўны крытэрый ацэнкі іх работы — гэта прафілактыка захворванняў жывёлы — як грамадскага статка, так і з асабістых падвор’яў грамадзян. Службай сумесна з ветспецыялістамі гаспадарак раёна прадпрымаецца шмат намаганняў для захавання пагалояў БРЖ. І гэта  ўдаецца: па выніках мінулага года папаўненне грамадскага статка ідзе з “плюсам”.
Не менш важным момантам у дасягненні станоўчых вынікаў з’яўляецца своечасовае і якаснае правядзенне супраць-эпізаатычных мерапрыемстваў. Са станоўчага боку можна адзначыць і факты адсутнасці ў нашым раёне захворванняў БРЖ на вострыя інфекцыі такія, як шаленства, лейкоз, туберкулёз і інш.
Вядома ж, ніякія станоўчыя вынікі не былі б дасягальнымі без зла-джанага калектыву аднадумцаў, людзей, якія добрасумленна працуюць, не лічачыся з уласным часам. Кожны з іх разумее ўсю адказнасць выконваемай работы, бо ад гэтага залежаць   якасць і колькасць атрымліваемага ў галіне жывёлагадоўлі малака і мяса.
Па словах Мікалая Маслава, мінулы год для работнікаў ветстанцыі быў даволі складаным, і, у першую чаргу, з-за таго, што ў шэрагу сельгас-прадпрыемстваў раёна не было ветспецыялістаў. «А ў нашай рабоце, — адзначыў Мікалай Сцяпанавіч, — кожны дзень прамаруджвання можа быць рашаючым і ў далейшым непрадказальным, таму функцыі па абслугоўванні гэтых гаспадарак райветспецыялісты поўнасцю ўзялі на сябе. І трэба адзначыць, з пастаўленымі задачамі мы поўнасцю справіліся».
Гаворачы аб сваім калектыве, Мікалай Маслаў зазначыў, што тут працуюць сапраўдныя энтузіясты сваёй справы, людзі, аддадзеныя сваёй прафесіі.
Удзячныя словы прагучалі ад начальніка райветстанцыі ў адрас ветспецыялістаў гаспадарак раёна: галоўнага ветурача СВК “Рассвет” імя К.П.Арлоўскага Ігара Казекі, СВК “Калгас “Ніва” Аляксандра Дастанкі, ветфельчара КСУП “Жылічы” Алены Сідарэнка і іншых.
Людміла СЯМЁНАВА.
Фота
Максіма МІКЕШЫНА.
На здымку: калектыў райветстанцыі.