Як паведамілі ў райкаме прафсаюза работнікаў АПК, 39 экіпажаў зернеўборачных камбайнаў сельгаспрадпрыемстваў раёна намалацілі па 1000 тон збожжа і вышэй, у тым ліку на рахунку кожнага з 15 экіпажаў — звыш 1500 т.
Тры экіпажы з СВК “Рассвет” імя К.П.Арлоўскага на камбайнах замежнай вытворчасці перакрочылі 2-тысячны рубеж па намалотах: Мікалай і Сяргей Белакурскія (2093,3 т), Іван Кавалеўскі і Алег Бяляўскі (2078,2 т), Аляксандр і Людміла Бяляўскія (2063,8 т).
Лідарамі на айчынных камбайнах сталі экіпажы з СВК “Калгас “Ніва” Аляксандра Няфёдава і Алега Стальмакова (1953,7 т), Аляксандра Кандрацьева і Васіля Марозава (1823,4 т), а таксама сямейны экіпаж Уладзіміра і Дзмітрыя Комараў з РАПТЗ (1725,6 т).
Выдатныя вынікі паказалі таксама экіпажы, працуючыя на зернеўборачных камбайнах КЗС-10К. Сярод лепшых — Васіль і Міхаіл Белаглазавы з СВК “Калгас “Ніва” (1501,9 т), Сяргей Чудапал І Кірыл Гамалін з РАПТЗ (1421 т), Уладзімір Лукановіч і Андрэй Лускавец з СВК “Калгас “Ніва” (1251,5 т).
Шчырых слоў падзякі заслугоўвае і старанная праца вадзіцеляў , якія своечасова адвозяць намалочанае збожжа ад камбайнаў. Ганаровае першае месца ў спаборніцтве займае Васіль Марозаў з СВК “Калгас “Ніва” — ён на аўтамашыне МАЗ-555142 перавёз 3672,7 т, яго калега Андрэй Храпянкоў — 3240 т, які, дарэчы, у раённым спаборніцтве сярод маладых вадзіцеляў займае першае месца. Юрый Кітоў з СВК “Чырвоны баец” даставіў да месцаў прызначэння 3026,6 т збожжа.
Кожны з 7 вадзіцеляў з сельгаспрадпрыемстваў перавезлі па 2500 т і вышэй, 11 — звыш 2000 т, 16 — звыш 1500 т, 33 вадзіцелі — па 1000 т і вышэй.
Сярод вадзіцеляў, працуючых на аўтамашынах САЗ і іншай тэхніцы грузападымальнасцю да 10 т, лепшыя вынікі ў Валерыя Кісялёва з КСУП “Жылічы” (1486,7 т). Міхаіл Костка з ліцэя №15, які аказвае дапамогу ва ўборцы ўраджаю хлебаробам СВК “Калгас “Беларусь”, на трактары МТЗ-1221 з прычэпам ПСТ-9 адвёз ад камбайнаў 1189,1 т. Аляксандр Скрыпуноў з КСУП “Жылічы” на САЗ-53 перавёз 1012,3 т збожжа.
Разам з вопытнымі хлебаробамі на жніве шчыруе моладзь. Па дадзеных райкама БРСМ сярод экіпажаў, працуючых на камбайнах КЗС-1218, лідзіру-ючае месца займаюць Пётр Дрозд і Мікалай Комар з РАПТЗ, якія намалацілі 1506,1 т збожжа, Пётр Мухін і Юрый Нікіфаравец з СВК “Рассвет” імя К.П.Арлоўскага — 1293,2 т, Аляксей Гры-шчанка і Сяргей Міхнёў з КСУП “Жылічы” — 1279,7 т.
На адвозцы збожжа ад камбайнаў добрыя вынікі ў вадзіцеляў Віктара Маковіча і Аляксандра Бабіча з СВК “Рассвет” імя К.П.Арлоўскага, якія на аўтамабілях МАЗ-555142 перавезлі адпаведна 2679,4 і 2575,2 т.