Пад такой назвай Цэнтр дадатковай адукацыі дзяцей і моладзі г.Кіраўска правёў інтэрнет-фотаконкурс, прымеркаваны да святкавання Міжнароднага дня сям’і. Яго задача – павышэнне ролі сям’і, папулярызацыя сямейных традыцый і каштоўнасцей,
а таксама жанра сямейнай фатаграфіі.

Удзельнікам прапаноўвалася дасылаць работы, на якіх занатаваны сем’і падчас святаў, на адпачынку і гэтак далей. Галоўная ўмова – каб фотаздымкі былі пазітыўнымі, цікавымі, адлюстроўвалі, што сям’я – моцная, вясёлая і энергічная.
Рабяты, якія наведваюць аб’яднанні па інтарэсах ЦДАДіМ, даслалі на конкурс самыя лепшыя фатаграфіі сваіх родных і блізкіх. Па выніках конкурсу пераможцай стала Дзіяна Камзолава, якая прадаставіла здымак сваёй вялікай, дружнай і згуртаванай сям’і. Пераможцы ў намінацыях “Самая пазітыўная сям’я” – сям’я Лобан, “Самая актыўная сям’я” – сям’я Шапоткіных, “Самая моцная сям’я” – сям’я Елісеенкаў, “Самая згуртаваная сям’я” – сям’я Чэкулаевых.
Фотаздымкі пераможцаў раз­мешчаны на старонцы ДУА “ЦДАДіМ г.Кіраўска” ў сацыяльнай сетцы “ВКонтакте”.
Цэнтралізаваная клубная сістэма раёна правяла онлайн-акцыю “Мая шчаслівая сям’я”. Яе ўдзельнікі таксама прадастаўлялі фатаграфіі сваіх сем’яў. З гэтымі фотаработамі можна пазнаёміцца на старонцы ДУК “ЦКС Кіраўскага раёна” ва “ВКонтакте”.