Смак  кіраўскіх смажанак ведаюць не толькі мясцовыя жыхары: яны прыйшліся даспадобы і многім праязджаючым праз наш  горад грамадзянам. Хто хоць адзін раз паспытаў прадукцыю нашых пекараў, у абавязковым парадку зноў наведаецца ў аднайменнае кафэ, каб зрабіць прыемную пакупку.

Аб попыце на прапаноўваемую прадукцыю сведчыць той факт, што тавараабарот у кафэ “Смажанка” за 10 месяцаў г.г. склаў 5715 млн. руб., тэмп росту ў супараўнальным вымярэнні да леташняга ўзроўню склаў 115,9%. Уласнай прадукцыі за гэты перыяд тут рэалізавана на 1423 млн. руб. (104,1%). Гэтыя паказчыкі дазваляюць работнікам займаць лідзіруючыя пазіцыі сярод аб’-ектаў прыдарожнага сэрвісу сістэмы Белкаапсаюза.
Уласныя сакрэты абыходжання з цестам, стараннасць і добрасумленнасць дапамагаюць паварам Валянціне Шчэрбіч і Наталлі Барадуленка выпякаць якасную і смачную прадукцыю. А вопыту жанчынам не займаць: у сістэме распажыўтаварыства яны працуюць на працягу доўгага часу, з году ў год удасканальваючы сваё майстэрства.
Калектыў таксама прымае актыўны ўдзел у восеньскіх кірмашах, якія нала-джваюцца ў Мінску, Магілёве. Дарэчы, па выніках сельскагаспадарчых кірмашоў-2014 загадчыца кафэ Эла Ткачова прызнана лепшым прадаўцом. Яна ўзнагароджана дыпломам і грашовай прэміяй праўлення Белкаапсаюза.
Фота
Максіма МІКЕШЫНА.