Напярэдадні прафесійнага свята мы сустрэліся з дырэктарам прадстаўніцтва БРП “Белдзяржстрах” па Кіраўскім раёне Ірынай ТАРКАН, якая расказала аб рэзультатах дзейнасці і працоўных буднях калектыву:  

— У апошні час з’явілася значная колькасць прыватных кампаній, якія займаюцца страхаваннем. Аднак і ў такіх складаных умовах Белдзяржстрах захаваў за сабой права аднаго з самых надзейных партнёраў на беларускім рынку страхавання. І калі дзесятак год таму мы прапаноўвалі сваім кліентам каля 20 відаў страхавання, то на сённяшні дзень іх налічваецца амаль 80.
Стала запатрабаваным страхаванне грамадзян-скай адказнасці ўладальніка жылых памяшканняў. Часам бываюць абставіны, калі не па сваёй віне сусед залівае суседа: то кран сарваўся, то труба трэснула. У такіх вось сітуацыях і дапамагае дагавор аб страхаванні адказнасці ўладальніка кватэры. У бягучым годзе па 14 такіх выпадках страхавальнікам выплачана 36,4 млн. рублёў.
А ўвогуле можна застрахаваць сябе перад аперацыяй ці паездкай за мяжу. Таксама можам прапанаваць такую паслугу, як дабравольнае страхаванне медыцынскіх расходаў. Кваліфікаваную медыцынскую дапамогу ў такім выпадку можна атрымаць у любой медустанове, нават сталічнай, варта толькі заключыць дагавор страхавання з Белдзяржстрахам. Для калектываў такі поліс — дадатковы стымул замацавання кадраў. Не першы год працуем у гэтым накірунку з СВК “Калгас “Ніва”, усе яго работнікі застрахаваны, праходзяць медыцынскае аб-следаванне. Усё большай папулярнасцю ў кліентаў стала карыстацца страхаванне бытавой тэхнікі.
У нашым прадстаўніцтве працуе 17 чалавек. Калектыў пастаянна павышае ўзровень ветлівага абслугоўвання кліентаў, якасць і хуткасць афармлення страхавых полісаў. Папярэджваем страхавальнікаў і аб заканчэнні тэрмінаў дзеяння дагавораў праз аператараў мабільнай сувязі. Праз рэкламныя лістоўкі, буклеты даходліва даносім да грамадзян інфармацыю па ўмовах страхавання, тарыфах, парадку ўплаты ўзносаў і атрымання страхавой кампенсацыі.

Без перабольшвання магу сказаць, што грамадзяне, якія маюць поліс Белдзяржстраху, цалкам абаронены ад розных непрыемнасцей і могуць адчуваць сябе спакойна і ўпэўнена. А паклапоцяцца аб гэтым супрацоўнікі прадстаўніцтва. Дарэчы, аб вы-ніках нашай работы яскрава сведчаць лічбы. За 11 месяцаў бягучага года калектыў выканаў усе даведзеныя планавыя паказчыкі па добраахвотным і абавязковым відах страхавання. Заключана 10842 дагаворы па ўсіх відах страхавання, сабрана ўзносаў больш за 5 млрд. рублёў. У тым ліку па добраахвотным — 6750 дагавораў на суму 1,6 млд. рублёў. Выплачана страхавой кампенсацыі грамадзянам, прад-прыемствам і арганізацыям раёна на суму 2,3 млрд. рублёў. Каля 249 страхавальнікаў змаглі скарыстацца грашовымі сродкамі нашай кампаніі і паправіць сваё здароўе, аднавіць маёмасць. Больш чым на 100 млн. рублёў была аказана бязвыплатная матэрыяльная дапамога грамадзянам і прадпрыемствам. У дамах двух нашых пастаянных страхавальнікаў Г.В.Каранкевіч і Т.М.Звягінцавай быў праведзены рамонт электраправодкі на суму звыш 13 млн. рублёў. Аднаму з сельгаспрадпрыемстваў раёна былі выдзелены грашовыя сродкі на правядзенне мерапрыемстваў па забеспячэнні пажарнай бяспекі і закупу запасных частак.
Карыстаючыся выпадкам, хачу выказаць словы падзякі за плённую работу ўсяму нашаму калектыву: кожны супрацоўнік на даручаным участку імкнецца працаваць адказна. За шматгадовую добрасумленную працу каштоўным падарункам аблвыканкама ўзнагароджана Надзея Дзюіна. Падзякі аб’яўлены страхавым агентам Надзеі Каляснёвай, Людміле Міхневіч, Анжэле Скуднай, Уладзіміру Каранкевічу і Надзеі Спірыдонавай.
Для забеспячэння дакладнай арганізацыі работы страхавых агентаў працуюць нашы спецыялісты Ірына Раманенка і Наталля Дзяшковіч. З адказнасцю ставіцца да сваіх абавязкаў вадзіцель Дзмітрый Каранкевіч. Значную работу з юрыдычнымі асобамі і індывідуальнымі прадпрымальнікамі вядуць спецыялісты Дзмітрый Кузняцоў, Святлана Габрусь, Святлана Труханава: за 2014 год імі сабрана больш 3 млрд. рублёў. За стабільнасць у фінансавай дзейнасці арганізацыі адказваюць вопытныя работнікі — галоўны бухгалтар Наталля Свірыдава і вядучы эканаміст Людміла Іваніцкая.
Запісала
Людміла СЯМЁНАВА.