Падчас адзінага дня інфармавання, які прайшоў у раёне ў мінулы чацвер, у працоўных калектывах, дзе пабывалі інфармацыйна-прапагандысцкія групы, была абмеркавана тэма “Ключавыя аспекты Паслання Прэзідэнта Рэспублікі Беларусь А.Р.Лукашэнкі беларускаму народу і Нацыянальнаму сходу Рэспублікі Беларусь”.

Так, інфармацыйна-прапагандысцкая група пад кіраў­ніцтвам намесніка старшыні райвыканкама Таццяны Бя­ляўскай наведала калектыў раёна газазабеспячэння. Увага прысутных была засяроджана на прыярытэтах развіцця краіны на бліжэйшую перспектыву ў асноўных сферах – палітычнай, эканамічнай, сацыяльнай, якія адзначыў Кіраўнік дзяржавы ў Пасланні. А таксама на актуальных падзеях у Беларусі і за яе межамі, стратэгічна важных задачах, рэалізацыя якіх да­зволіць захаваць стабільнасць і суверэнітэт.
Быў зроблены акцэнт на тым, што ў Пасланні Прэзідэнта ў тым ліку адзначаны задачы па развіцці рэгіёнаў, мадэрнізацыі сяла, што актуальна і для Кіраўскага раёна.
Таццяна Бяляўская падкрэс­ліла, што за апошнюю пяцігодку ў эканоміку і сацыяльную сферу раёна ўкладзены значныя інвестыцыі. Назвала шэраг напрамкаў, па якіх вырашаліся важныя пытанні: у аграгарадкі Баравіца, Любонічы, Скрыпліца прыйшоў прыродны газ, ў Любонічах, Паўлавічах, Лёўкавічах пабудаваны станцыі абезжалезьвання, праведзены рэканструкцыя Чыгірынскай ГЭС, базы раёна электрасетак, мадэрнізацыя адміністрацыйнага будынка ЦБП №709 “Беларусбанка”. Дзяр­жавай выдзяляюцца сродкі на рэстаўрацыю Жыліц­кага палацава-паркавага ансамбля. Значныя сродкі з абласнога бюджэту ўкла­дзены ў рамонт Дашкольнага цэнтра развіцця дзіцяці. Практычна завершана рэканструкцыя такога важнага сацыяльнага аб’екта, як паліклініка, завозіцца абсталяванне. Працягваецца капітальны рамонт і мадэрнізацыя Мышкавіцкай СШ. Прыклады можна працягваць…
Наша дзяржава – сацыяльна арыентаваная, падкрэсліла Таццяна Бяляўская, яе курс накіраваны на павышэнне ўзроўню жыцця, дабрабыту людзей.
У ходзе сустрэчы ішла таксама размова пра ўрокі і вывады пандэміі, станоўчыя рэзультаты абранага нашай дзяржавай шляху, развіццё IT-тэхналогій, будаўніцтва Беларускай АЭС, развіццё малога і сярэдняга бізнесу, узвядзенне жылля для мнагадзетных сем’яў, дзяржаўную падтрымку маладых сем’яў і па іншых тэмах.
Пасланне Кіраўніка дзяржавы накіравана на падтрыманне міру і стабільнасці ў нашай краіне, падкрэсліла Таццяна Бяляўская. Гэта актуальна для неспакойнага паслявыбарчага перыяду, калі ідзе раз’яднанне народа, распальванне злосці і нянавісці ў грамадстве.
Неабходна ўсім злу­чыцца, каб захаваць мір і спакой у нашай любімай Бела­русі.
Яна выказала ўдзячнасць калектыву раёна газазабеспячэння за добрасумленнае выкананне сваіх абавязкаў, разуменне важнасці якаснага абслугоўвання насельніцтва.
У ходзе адзінага дня інфармавання інфармацыйна-прапагандысцкія групы таксама пабывалі: на МТФ “Дваранінавічы” КСУП “Чырвоны баец” – пад кіраўніц­твам першага намесніка старшыні райвыканкама – начальніка райсельгас­харчу Аляксандра Осіпава, ЦБП №709 у г.Кіраўску ААТ “ААБ “Бе­ларусбанк” – намесніка старшыні райвыканкама Таццяны Русецкай, УКП “Жылкамгас” – намесніка старшыні райвыканкама Вячаслава Нявінскага, УКП “Кіраўскія бытпаслугі” – старшыні раённага аб’яднання прафсаюзаў Алены Глекавай, Барчыцкім НПК ДС-СШ – начальніка аддзела па адукацыі, спорту і турызму райвыканкама Наталлі Траццяковай, у студатрадзе, працуючым у ААТ “Рассвет імя К.П.Ар­лоўскага” – першага сакратара райкама ГА “БРСМ” Алены Осіпавай.
Наталля ХАДАКОВА.
Фота аўтара.