Ёсць магчымасць праявіць кемлівасць!
У перыяд з 15 па 24 снежня ў раёне будзе праводзіцца агляд-конкурс на лепшае навагодняе афармленне тэрыторый прадпрыемстваў, арганізацый, устаноў, сельгасарганізацый. Яго мэта — актывізацыя дзейнасці працоўных калектываў, абагульненне і распаўсюджванне станоўчага вопыту па паляпшэнні мастацкага ўпрыгожвання фасадаў будынкаў і прылягаючых тэрыторый, што будзе садзейнічаць святочнаму настрою жыхароў і гасцей горада і раёна.
У аглядзе-конкурсе могуць удзельнічаць усе суб’екты гаспадарання, незалежна ад формы ўласнасці.
Для яго арганізацыі і правядзення створана рабочая група, у якую ўвайшлі: намеснік старшыні райвыканкама Галіна Слабоднікава і прадстаўнікі аддзелаў ідэалагічнай работы, культуры і па справах моладзі, жыллёва-камунальнай гаспадаркі райвыканкама, райсельгасхарчу і аддзела эканомікі райвыканкама.
Вынікі агляду-конкурсу падвядзе конкурсная камісія не пазней 28 снежня г.г. За першыя тры месцы пераможцы будуць узнагароджаны дыпломамі.
