Завяршыўся трэці этап рэспубліканскай алімпіяды па вучэбных прадметах. Па інфармацыі аддзела па адукацыі, спорту і турызму Кіраўскага райвыканкама, Кіраўскі район прадстаўлялі 9 вучняў устаноў агульнай сярэдняй адукацыі па 4 вучэбных прадметах.

Дыплом I ступені па вучэбнаму прадмету “Працоўнае навучанне. Абслуговая праца” заваявала вучаніца 10 класа сярэдняй школы № 1 г.Кіраўска Анастасія Бялянава, дыпломы III ступені заваявалі: па вучэбнаму прадмету “Працоўнае навучанне. Абслуговая праца” – вучаніца 8 класа сярэдняй школы № 1 г.Кіраўска Кацярына Бялянава, па вучэбнаму прадмету “Англійская мова” – вучаніца сярэдняй школы № 2 г.Кіраўска імя К.П.Арлоўскага Ксенія Котава, па вучэбнаму прадмету “Фізічная культура і здароўе” – вучань Паўлавіцкай сярэдняй школы імя Р.А.Худалеева Аляксей Хархалёў.

Вучань сярэдняй школы № 1 г.Кіраўска Максім Дадуш адзначаны пахвальным водгукам па вучэбным прадмеце “Матэматыка”.

З 1 лютага 2021 года ў г. Магілёве пачаліся зборы па падрыхтоўцы каманды вобласці да ўдзелу ў заключным этапе алімпіяды. Нашы пераможцы Анастасія Бялянава, Аляксей Хархалёў, Кацярына Бялянава задзейнічаны ў падрыхтоўцы.

Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».